Alawi 25:19 - ÎVUKU RÎA ÛVORO MWARO

¹⁹ Nîgûgaakûra irio vûrûrirî ûcio na nî mûkaagîa irio cia kwîgana na mûtûûre mûrî na thayû.

Alawi 25:19 ပူးပေါင်းရင်းမြစ်များ

1Atha 5:5

Kwoguo rîu nîrenda gûtumîra Ngai-Mûnene, Ngai wakwa hekarû, wata ûrîa Ngai-Mûnene eerîre vava Daudi atî, ‘Mûvîcîguo, ûrîa ngeekarîria gîtî Kîam ûthamaki vuva waku nîke ûkandumîra hekarû.’

Thaburi 67:6

Kûrî na maketha vûrûrirî; Ngai, Ngai wetû, nîatûrathimîte.

Thaburi 85:12

Nîma Ngai-Mûnene nîagaatûretera irathimo, na vûrûri wetû nîûkaagîa na maketha meengî.

Nthi 1:33

Nwatî ûrîa ûnthikagîrîria ekaraga arî na thayû, ekaraga atarî na guoya, na atagwîtigîra maûndû macûku.”

Isaia 1:19

Ethîrwa nîmûgûîtîkîra kûmbathîkîra, nîmûkaarîa maciaro maro ma nthî.

Isaia 30:23

Rîrîa mûkaavanda mbeû mîgûndarî yenyu, Ngai nîakaaurithia mbura, nacio nîigaakûra na iciare maciaro meengî. Nacio ndîthia cienyu nîikaagîa na kûndû kûnene mûno gwa kûrîthua.

Ezek 36:30

Nîngaatûma matunda ma mîtî ya mîgûnda yenyu mongerereke wana maciaro ma mîgûnda yenyu nîguo mûtikagîe na yûra rîa gûtûma mûconorithue mûrî gatagatî ka ndûrîrî.

Joeli 2:24

Vandû va kûvûrîra vakethîrwa vecûrîte ngano; kîvivîro nîgîgeecûra ndivei na maguta.

Joeli 2:26

Nîmûrîa irio nyîngî na mwîganie, na mûkumie Ngai-Mûnene, Ngai wenyu, ûrîa wîkîte maûndû ma kûmakania kûrî mue, andû akwa matigaaconorithua rîngî.

Alawi 25:18

“Vingagiani Maathani makwa na irîra ciakwa, nîguo mûtûûre vûrûrirî mûrî na thayû.

Alawi 25:20

“Nwatî nwa mwîyûrie kîrîa mûkaarîa mwakarî wa mûgwanja mwarega kûvanda kana mûketha irio.

Alawi 26:4

nî ngaamurithîria mbura kavinda karîa kagîrîru, nîguo mîgûnda yenyu îgîcage na irio nyîngî na mîtî îciare matunda.

Alawi 26:5

Irio cienyu nîikengîva na mûikethage nginya vîndî ya gûketha thavibu, na mûkethîrwa mûgîketha thavibu nginya vîndî ya kûvanda ngano. Mûkethagîrwa mûrî na irio nyîngî irîa mûvatarîte na mûtûûre vûrûrirî wenyu mûrî agitîre.

Alawi 26:6

“Nî ngaamûva thayû vûrûrirî wenyu, na mûkaamamaga mûtagwîtigîra wanarî mûndû. Nî ngaathiria nyamû cionthe njûku vûrûrirî na mûtikaarûa na nthû cienyu rîngî.

Gûco 12:10

Nwatî rîrîa mûkaaringa rûnjî rwa Jorodani mûkinye vûrûrirî ûrîa Ngai-Mûnene Ngai wenyu akûmûva ûtuîke wenyu, nîakaamûva ûvurûko na amûgitîre kuuma kûrî nthû cienyu irîa ikeethîrwa imûthiûrûrûkîrîtie na nîmûgaatûûra na thayû.