Alawi 25:17 - ÎVUKU RÎA ÛVORO MWARO

¹⁷ Mûtikaveenie Aisiraeli arîa engî, nwatî mwîtigagîre Ngai-Mûnene, Ngai wenyu.

Alawi 25:17 ပူးပေါင်းရင်းမြစ်များ

Kîam 20:11

Iburahimu nîwacokirie atîrî, “Nie nekire ûguo nîûndû neciragia gûkû gûtingîthîrwa kûrî na mûndû wîtigîrîte Ngai, na atî nwambûragwe nîûndû wa mûka wakwa.

Kîam 22:12

Mûraika nîwerire Iburahimu atîrî, “Ndûkavutie kamwana kau kana ûgeke ûndû; nîûndû nînamenya atî we nîûtîîte Ngai na nîûmwathîkagîra, nîûndû ndûnamûgiria mûvîcîguo wa kîmomwe.”

Kîam 39:9

Gûtirî mûndû wîngî mûnene kûngîra mûciî ûyû, na gûtirî kîndû angirîtie tiga we, nîûndû wî mûka. Nie ndingîka ûndû wa waganu mûnene ta ûyû nîûndû nî wîvia kûrî Ngai.”

Kîam 42:18

Mûthenya wa kathatû Josefu nîwamerire atîrî, “Nie nîrî mûndû wîtigîrîte Ngai, kwoguo nîmûgûtûûra mwoyo mweka ûndû ûyû ûmwe.

2Maû 19:7

Vecagani Ngai-Mûnene gîtîîo na mûrûthage maûndû mûvarîrîte, nîûndû Ngai-Mûnene, Ngai wetû ndendaga ûndû ûtarî wa kîvooto, ndarî kîmenyano na ndamûkagîra mavaki.”

Nehemia 5:15

Anene onthe arîa maathanaga mbere yakwa nîmaaigîrîrîte andû mîrigo mîrito. Nîmeetagia kuuma kûrî wa mûndû sîlûva mîrongo îna na îgûrû rîa icio magetia irio na ndivei. Wana ndungata ciao nîciavinyagîrîria andû. Nwatî nie ndieka ûguo, nîûndû nînetigagîra Ngai.

Nehemia 5:9

Kwoguo nînaugire atîrî, “Ûndû ûcio mûreka tî mwaro! Mwagîrîrwe nî kwathîkîra Ngai na mwîke ûrîa kwagîrîrîte. Na mweka ûguo tîmûva nthû cietû na nîo andû a ndûrîrî kamweke ga gûtûthekerera.

Thaburi 19:9

Gwîtigîra Ngai-Mûnene nî ûndû mwaro, na nîgûtûûra tene na tene. Matuîro ma Ngai-Mûnene nî ma ma; na nî magîrîru vîndî cionthe.

Ntha 20:20

Nake Musa nîwerire andû a Isiraeli atîrî, “Tigani kwîgua guoya, nîûndû Ngai aûkîte kûmûgeria na atûme mûmwathîkagîre nîguo mûtikevie.”

Nthi 1:7

Gwîtigîra Ngai-Mûnene nîkîo Kîammbîrîria gîa kûgîa na ûmenyo. Andû arîa aritu nîmanyararaga ûûgî na kîrîra.

Nthi 14:31

Mûndû ûrîa ûvinyagîrîria athîni nîarumaga Ngai ûrîa wamaûmbire, nwatî mûndû ûrîa wîgucagîra athîni ntha nîakumagia Ngai.

Nthi 16:6

Gûtuîka mwathîki na mwîvokeku nîgûtûmaga Ngai overe mûndû mevia. Gwîtigîra Ngai-Mûnene nî kûgiragia mûndû eke maûndû macûku.

Nthi 22:22

Ndûgacune mûthîni kîndû nîûndû atî ke ndarî na ûvoti, kana ûvinyîrîrie mûndû ûtarî na mûmûtethia cirarî,

Isaia 3:14

Ngai-Mûnene nîaracirithia andû; aracirithia athuuri na atongoria a andû ake. Arameera atîrî, “Nîmue mûcûkangîtie mûgûnda wa mîthavibu, na indo irîa mwatavire athîni irî nyombarî cienyu.

Jeremia 22:16

Nîwonanagia kîvooto kûrî ngîa na athîni, maûndû make nîmaagagîra. Gwîka ûguo nîkuo kûmenya Ngai-Mûnene.

Alawi 19:13

“Mûtikanavinyîrîrie mûndû ûrîa wîngî kana mwîe kîndû gîake. Ethîrwa mûndû arîkanîrîte na mûndû ûrîa wîngî amûrutîre wîra nîguo amûrîve, mûndû ûcio ndagîrîrwe nî gûkinyia mûthenya ûcio wîngî atarî mûrîvu mûndû wake wa wîra.

Alawi 19:14

Mûtikanarume gîtegua kana mwiga kîndû mbere ya ndumumu atî nîguo îvîngwe nîkîo. Mbathîkagîrani. Nie, nînie Ngai-Mûnene, Ngai wenyu.

Alawi 19:32

“Vecagani andû arîa akûrû gîtîîo, na mûmbathîkagîre; Nie nînie Ngai-Mûnene.

Alawi 25:14

Kwoguo ûkîenderia Mûisiraeli ûrîa wîngî mûgûnda kana ûkîgûra kuuma kûrî ke, mûkeegucanîra ûrîa kwagîrîrîte.

Alawi 25:36

Mûtikamwîtie maciaro ma kîrîa mûmûkombithîtie, nwatî athîkagîrani Ngai na mûtûûranie na Mûisiraeli ûrîa wîngî.

Alawi 25:43

Ndûkamwathe ûmûvinyîrîrîtie, nwatî wathîkagîre Ngai waku.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Luka 12:5

Nie nîngûmwonia ûrîa mwagîrîrwe nî gwîtigîra. Îîtigagîreni Ngai ûrîa wîthagîrwa arî na ûvoti wa kûûraga mûndû na akamwikia îcuarî. Nîramwîra na ma atî, ûcio nîke mwagîrîrwe nî gwîtigîra!

Ciîko 10:2

Ke aarî mûndû mwîtîkia Ngai mûno, na vamwe na andû onthe a mûciî wake nîmaagoocaga Ngai. Nake nîwavothagîra Ayahudi arîa maarî athîni arî na ûtaana na akavoyaga Ngai mavinda meengî.

Ciîko 10:35

Andû arîa magoocaga Ngai na mekaga ûrîa kwagîrîrîte, nîmetîkagîrwa nîke wana ethîrwa nî a rûrîrî rûrîkû.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Aroma 11:20

Nî ûvoro wa ma. Mvûa ciakavûrangirwe nîûndû itietîkia na mue mwîthagîrwa mûrî gîcunjî Kîam mûtî ûcio nîûndû nîmwîtîkîtie. Nwatî ndûgetîîe nîûndû wa ûguo, vandû va ûguo îîtigîreni.

Aroma 3:18

Matiîtigagîra Ngai.”

Gûco 25:18

Ririkanani ûrîa maamûtharîkîre mûrî anogu na mûkathira vinya; na matagwîtigîra Ngai, nîmaaûragire arîa onthe maarî vuva.

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.

1Sam 12:24

Athîkagîrani Ngai-Mûnene na mûmûtungatagîre arî wenga na ngoro yonthe mûrî na wîvokeku. Taririkanani maûndû manene marîa ekîte nîûndû wenyu.