Alawi 25:11 - ÎVUKU RÎA ÛVORO MWARO

¹¹ Mûtikaavanda irio mîgûndarî yenyu kana mûketha makûra, kana mûngania thavibu kuuma mîthaviburî yenyu îrîa îtarî mîmenyerere.

Alawi 25:11 ပူးပေါင်းရင်းမြစ်များ

Isaia 37:30

Isaia nîwacokire akîra Mûthamaki Hezekia atîrî, “Ûndû ûrîa ûgaakûmenyithia maûndû mama nî ûyû: Mwaka ûyû na mwaka mûku mûkaarîcaga kîrîa kîîmeretie kîo kîene; naguo mwaka wa kathatû nîmûkaavanda na mûkethe maciaro; mûkaavanda mîthavibu na mûrîe matunda mayo.

Alawi 25:10

Ûguo nîguo mûkaamûra mwaka wa mîrongo îtano na mwanîrîre wîyathi kûrî andû onthe arîa matûûraga vûrûrirî ûcio. Indo cionthe irîa ikethîrwa ciendetue nîigaacokerua ene kana njiarwa ciao, nake mûndû wa wonthe wendetue arî ngombo nîagaacoka kwa andû ao.

Alawi 25:12

Nîmûkaamûrîra Ngai mwaka ûcio wonthe. Mûkaarîcaga makûra tu kuuma mîgûndarî îo.

Alawi 27:17

Ethîrwa akaamûra gacunjî kau ka mûgûnda mwaka wa mîrongo îtano wathira, gakaarîvwa îrîvi rîrîa rîkagîrîrîte.