Alawi 25:10 - ÎVUKU RÎA ÛVORO MWARO

¹⁰ Ûguo nîguo mûkaamûra mwaka wa mîrongo îtano na mwanîrîre wîyathi kûrî andû onthe arîa matûûraga vûrûrirî ûcio. Indo cionthe irîa ikethîrwa ciendetue nîigaacokerua ene kana njiarwa ciao, nake mûndû wa wonthe wendetue arî ngombo nîagaacoka kwa andû ao.

Alawi 25:10 ပူးပေါင်းရင်းမြစ်များ

Ezira 1:3

Ngai nîekare namue muonthe arîa mûrî ake. Thiîni Jerusalemu nîguo mûgatumîre Ngai-Mûnene, Ngai wa andû a Isiraeli hekarû rîngî. Ngai ûcio nîke ûgoocagîrwa Jerusalemu.

Thaburi 146:7

Nîke ûtucaga cira wa arîa avinyîrîrie na kîvooto, nîke ûvecaga arîa avûtu gîa kûrîa. Ngai-Mûnene nî arekagîrîria arîa oove,

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Isaia 49:9

Nîûkera mîgwate atîrî, ‘Umani kûu njeera!’ Nao arîa marî ndumarî ûmeere atîrî, ‘Umîrani ûtherirî!’ Makonaga gîa kûrîa, kûrîa kuonthe makaavîtûkagîrîra, wana irîmarî ntheri nîmakoona gîa kûrîa.

Isaia 63:4

Nînatuire na ngoro yakwa atî mûthenya wa kwîrîvîrîria nî mûkinyu, na vîndî ya gûkûûra andû akwa nî nginyu.

Jeremia 34:10

Nao andû onthe na atongoria ao arîa marûthire kîrîkanîro kîu nîmetîkanirie kûrekereria ngombo icio cia arûme na cia aka, na gûtikethîrwe na mûndû ûkamatua ngombo rîngî. Nao nîmaamarekererie wata ûrîa metîkanirie.

Jeremia 34:8

Gîkî nîkîo kiugo kîrîa gîakinyîre Jeremia kuuma kûrî Ngai-Mûnene, vuva wa mûthamaki Zedekia kûrûtha kîrîkanîro na andû onthe a Jerusalemu atî marekererie

Ezek 46:17

Nwatî angîgaîra ûmwe wa ndungata ciake mûgûnda kîrî kîveo, ndungata îo îkavûthagîra mûgûnda ûcio nginya rîrîa îkaarekererua. Mûgûnda ûcio nîûgaacokerua mûnene, nîûndû nîke na avîcî ake magîrîrwe nî gûtuîka ene mûgûnda ûcio tene na tene.

Alawi 25:11

Mûtikaavanda irio mîgûndarî yenyu kana mûketha makûra, kana mûngania thavibu kuuma mîthaviburî yenyu îrîa îtarî mîmenyerere.

Alawi 25:13

“Indo cionthe irîa ciendetue igaacokerua ene mwakarî ûcio wa mîrongo îtano.

Alawi 25:41

Vîndî îo nîrîo ke na ciana ciake makaauma gwaku na macoke vûrûrirî wa methe mao.

Alawi 25:54

Ethîrwa tîakûûrwa na njîra îmwe ya icio, ke vamwe na ciana ciake nwanginya makaarekererua mwakarî ûcio wîngî wa mîrongo îtano.

Luka 1:74

atî nîagaatûvonokia kuuma njararî cia nthû cietû, na atwîtîkîrie tûmûtungatagîre tûtarî na guoya,

2Akor 3:17

Na rîu Mwathani nîke Roho, na varîa Roho wa Mwathani ûrî, vethagîrwa varî na wîyathi.

Agal 4:25

Hagari nî ta kîrîma gîa Sinai kîrîa kîrî Arabia na nîke mûvano wa îtûûra rîa Jerusalemu rîrîa rîrî vo vîndî îno na rîrî ûkomborî vamwe na andû arîo onthe.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

1Pet 2:16

Tûûragani ta andû meyathîte, na mûtigetîkagîre wîyathi ûcio wenyu ûtuîke wa gûkunîkagîra naaî. Nwatî tûûragani ta ngombo cia Ngai.