Alawi 24:8 - ÎVUKU RÎA ÛVORO MWARO

⁸ Nwanginya Aroni aigage mîgate îo waro mbere ya Ngai-Mûnene mîthenya yonthe ya thavatû. Ûguo nîguo andû a Isiraeli magîrîrwe nî gûtûûra mekaga.

Alawi 24:8 ပူးပေါင်းရင်းမြစ်များ

1Maû 23:29

Alawi acio nîmaaveetwe wîra wa kwigagîrîra mûgate ûrîa mwamûre metharî, mûtu wa matega ma irio, mîgate îrîa îtekîrîtwe ndawa ya kwimbia, gûtukania mûtu na maguta ma mûtamaiyû na kûrûtha mîgate ya matega, kûthima ithimi irîa ciagîrîrîte,

1Maû 9:32

Andû a mbarî ya Kohathu nao maarugaga mîgate îrîa mîamûre ya hekarû mîthenya yonthe ya thavatû.

2Maû 13:11

Nîmarutagîra Ngai-Mûnene matega ma kûvîvua na ma ûbani ûrîa mûnungi waro vîndî cionthe kîraûko na kîvwaî. Nîmarutaga matega ma mîgate îrîa mîamûre na nîmamigagîrîra metharî îrîa ntheru, na nîmaakagia taa irîa irî vandû va thaavu varîa cigagîrîrwa kîvwaî wa kîvwaî. Twîkaga ûrîa Ngai-Mûnene, Ngai wetû athanîte, nwatî mue nî mûmûtiganîrîtie.

2Maû 2:4

Nînîratuma hekarû ya Ngai-Mûnene, Ngai wakwa na nîmîamûrîre ke, îtuîke ya kûvîvagîrua matega ma ûbani ûrîa mûnungi waro na gwa kwigagwa mûgate ûrîa mwamûre vîndî cionthe. Nwakuo gûkaarutagîrwa matega ma kûvîvua marîa marutagwa iraûko cionthe na ivwaî cionthe, na mîthenya ya thavatû, irugo cia mweri wacicûka, na irugo cia mîthenya îrîa mîamûre, wata ûrîa athîte andû a Isiraeli matûûre mekaga tene na tene.

Nehemia 10:33

Tûkaarutaga mîgate îrîa mîamûre, matega ma irio cia mûgûndarî ma wa mûthenya na matega ma kûvîvua, matega ma thavatû, kîrugo Kîam mweri wacicûka, na irugo irîa ciîngî, indo irîa ntheru, matega ma kûtheria mevia ma andû a Isiraeli, na ma wîra wonthe wa hekarû.

Ntha 25:30

Nayo metha igwe mbere ya îthandûkû rîa kîrîkanîro. Na îgûrû rîayo vethagîrwe vîndî cionthe varî na mûgate ûrîa nyamûrîrîtwe.”

Ndari 4:7

“Nîmagaatandîka itambaa cia rangi wa vururu îgûrû rîa metha ya mûgate ûrîa ûtegagîrwa Ngai-Mûnene. Nîmakaaigîrîra îgûrû rîa metha îo thaani, iciko, na mbakûri irîa ciîkagîrwa ûbani na irîa ivothagîrwa na mîtûngi ya matega ma indo cia kûnyuwa. Mûgate ûkethagîrwa îgûrû rîa metha vîndî cionthe.

1Sam 21:7

Mûthenya ûcio, Doegu ûmwe wa ndungata cia Saûlo wa kuuma Edomu na warî mûnene wa arîthi a Saûlo aarî kûu, nîûndû aarî na ûndû eendaga gwîka mbere ya Ngai-Mûnene.