Alawi 24:11 - ÎVUKU RÎA ÛVORO MWARO

¹¹ Shelomithi aarî mwarî wa Debiri wa mûvîrîgarî wa Dani. Mwanake ûcio nîwarumire Ngai. Andû arîa meegwire akîruma Ngai nî maamûnyitire na makîmûvira kûrî Musa.

Alawi 24:11 ပူးပေါင်းရင်းမြစ်များ

2Sam 12:14

Nwatî na njîra ya gîîko kîu wîkîte, nîûnyararîte Ngai-Mûnene. Kwoguo kaana kau nwanginya gagaakua.”

1Atha 21:10

Mwige mîkora îîrî yerekanîrîte nake nîguo îmûthitange îkîmwîraga atî nîarumîte Ngai vamwe na mûthamaki. Mûcoke mûmûrute nja ya îtûûra na mûmûûrage na mathiga.”

1Atha 21:13

Nayo mîkora îîrî nîyathiîre na îgîkara yerekanîrîte nake na nîyamûthitangire andû onthe makîgucaga atî nîarumîte Ngai vamwe na mûthamaki. Kwoguo Nabothi nîwarutirwe nja ya îtûûra na akîûragwa na mathiga.

2Atha 18:30

Mûtigetîkîrie Hezekia atûma mwîvoke Ngai-Mûnene akîmwîra atî, mûtigecirie Ngai-Mûnene nîagûtûvonokia, na îtûûra rîîrî rînene tî rîocwa nî mûthamaki wa Asîria.

2Atha 18:35

Gatagatîrî ka ngai cionthe cia mavûrûri, nî ngai îrîkû yanavonokia vûrûri wao kuuma kûrî nie? Nîndûî kîratûma mwîcirie atî Ngai-Mûnene nwa avonokie Jerusalemu kuuma kûrî nie?”

2Atha 18:37

Eliakimu, Shebuna na Joa, nîmaacokire magîtembûra nguo ciao na marûrû, na makîthiî kûrî mûthamaki makîmwîra ûrîa Rabushake aaugîte.

2Atha 19:10

makamwîre atîrî, “Ndûgetîkîre Ngai waku ûrîa wîvokaga îkûveenie atî, Jerusalemu tîîvootwa nî mûthamaki wa Asîria.

2Atha 19:22

Nî ûrîkû ûraruma na ûkathekerera? Nîûrîkû ûraugîrîria, ûkarega kûva gîtîîo Ûrîa Mûtheru wa Isiraeli.

2Atha 19:6

Isaia nîwamerire atîrî, “Ngai-Mûnene amwîrîte mûtikamake nîûndû wa ûguo mûregua ndungata cia mûthamaki ikînuma.

Ayubu 1:11

Nwatî ta oca ûtonga ûcio wake wone agîkûruma ûkîonaga!”

Ayubu 1:22

Maûndûrî mama monthe Ayubu ndevia na ndaaruta Ngai mavîtia.

Ayubu 1:5

Wa kîrugo Kîamthira, Ayubu nîwetaga ciana ciake nîguo aitherie. Vuva wa kîrugo, nîwaramûkaga kîraûko tene mûno na akaruta îgongoona rîa kûvîvua rîa wa mwana, rîrî îgongoona rîa kûmatheria, “Nîûndû mavota kwîthîrwa marumîte Ngai ngororî ciao.”

Ayubu 2:5

Nwatî rîu ta vutia mwîrî wake na wone nîakûruma wa ûmûroretie.”

Thaburi 74:18

Nwatî ririkana we Ngai-Mûnene atî nthû ciaku nîikûthekagîrîra, nî andû irimû na nîmakûnyararîte.

Thaburi 74:22

Ûkîra we Ngai, na ûtetere kîvooto gîaku! Ririkana ûrîa andû arîa matagwicî marakûthekerera.

Ntha 18:22

Nîmatuithanagie maciira vîndî cionthe. Maûndû marîa mavûthû nîmatucage ciira arî o. Nwatî nîmakûretagîre maûndû marîa manene. Kwoguo wetîkîra andû magûtethie ûkaavûthîrwa nî wîra.

Ntha 18:26

Nao nîmaatucagîra andû mavinda monthe. Maciira monthe mavûthû o ene nîo maatucaga. Nwatî maciira marîa manene maatwaragîrwa Musa.

Ntha 20:7

“Ndûkagwete rîîtwa rîa Ngai-Mûnene, Ngai waku na îtherû, nîûndû nie Ngai-Mûnene ndikaauga atî mûndû ndevîtie ûrîa ûngwetaga rîîtwa na îtherû.

Ntha 22:28

“Ndûkarie ûndû mûcûku wîgiî Ngai, na ndûkarume mûtongoria wa andû enyu.

Ntha 3:15

Ngai nîwacokire akîra Musa ere andû a Isiraeli atî Ngai-Mûnene Ngai wa methe menyu, Ngai wa Iburahimu, Isaka, na Jakovu nîwandûma kûrî mue. Rîrî nîrîo rîîtwa rîakwa tene na tene na ûguo nîguo njiarwa cionthe ciagîrîrwe nî kûndirikanaga.

Isaia 8:21

Andû nîmakaaûrûra vûrûrirî wao mathirîtwe nî vinya na makavûta. Nîûndû wa ûrîa makethîrwa mavûtîte, nîmakaarakara na marume mûthamaki wao na Ngai wao. Nîmakaaroria îgûrû

Alawi 24:10

Vîndî îmwe kwarî na mwanake ûmwe. Îthe aarî Mûmisiri nake ng'ina aarî Mûisiraeli wetagwa Shelomithi. Mûthenya ûmwe mwanake wa mûndûmûka ûcio Mûisiraeli nîmaanegenanirie marî kûu maambîte magema na mûndûmûrûme ûmwe Mûisiraeli.

Mathaayo 26:65

Nake Mûthînjîri-Ngai ûrîa mûnene nîwatembûrangire nguo ciake na akiuga atîrî, “Nîwaruma Ngai! Gûtirî aira engî tûrenda! Mue nîmwegua akîruma Ngai!

Aroma 2:24

Mandîko matheru maugîte atîrî: “Nîûndû wenyu mue Ayahudi, rîîtwa rîa Ngai nîrîcambîtue nî andû a Ndûrîrî.”

1Tim 1:13

wana gwatuîka mavinda marîa mavîtûku nînarumire Kristû, ngîmûnyarira na ngîmwîra maûndû meengî ma kûmûrakaria. Nwatî Ngai nîwambîguîrîre ntha nîûndû ndiarî na wîtîkio, kwoguo ndiamenyaga ûrîa nekaga.

Kûguû 16:11

Nao nîmaarumire Ngai wa îgûrû nîûndû wa ûrûrû ûrîa warî irondarî. Nwatî nîmaaregire kwîrira nîûndû wa maûndû marîa macûku meekîte.

Kûguû 16:21

Mbura ya mbembe nene ciarî na ûrito ta wa kilo mîrongo îtano nîyaurire kuuma îgûrû. Nayo yaurîra andû, nîmaarumire Ngai nîûndû wa mavera ma mbura. Mavera mau maarî mûcûku mûno.