Alawi 23:38 - ÎVUKU RÎA ÛVORO MWARO

³⁸ Ino nî irugo ciîngî kwongerera kîrîa Kîam thavatû, namo mama nî matega mengî kwongerera iveo irîa mûrutagîra Ngai-Mûnene, matega marîa mûrutaga nîûndû wa kûvingia mîvîtwa, na matega marîa mûrutaga na njîra ya kwîyendera.)

Alawi 23:38 ပူးပေါင်းရင်းမြစ်များ

2Maû 31:14

Kore mûvîcî wa Imuna, Mûlawi ûrîa warangagîra Kîvingo Kîam mwena wa Îrathîro nîke warûngamagîrîra matega marîa maarutagîrwa Ngai nî andû na njîra ya kwîyendera, nwake wagaaga matega na indo irîa ciarî nyamûrîre Ngai-Mûnene na matega marîa matheru mûno.

Thaburi 56:13

Nîûndû nîûmvonoketie kuuma gîkuûrî, na nîûgirîtie mvootwa. Kwoguo ngethagîrwa nîrî vakuvî na Ngai, nîrî ûtherirî ûrîa waragîra arîa marî mwoyo.

Thaburi 76:12

Nîanyivagia athani arîa etîi, na agatûma athamaki a nthî metigîre.

Ezek 46:12

Mûnene angîenda kûrutîra Ngai-Mûnene îtega na njîra ya kwîyendera rîa kûvîvua kana rîa thayû, akaavingûragîrwa kîvingo Kîam mwena wa îrathîro. Arîkia kûruta îgongoona rîake wata ûrîa arutaga mûthenya wa thavatû akauma na kîvingo gîgîcoka gîkîvingwa rîngî.”

Alawi 19:3

Mue muonthe, nwanginya wa mûndû atîîage îthe na ng'ina na nwanginya mûririkanageni mîthenya yakwa ya thavatû, wata ûrîa mbathanîte. Nie nînie Ngai-Mûnene, Ngai wenyu.

Alawi 23:3

Mûrî na mîthenya îtandatû îrîa mûkaarutaga wîra, nwatî mûthenya wa mûgwanja, mûthenya wa thavatû, nî mûthenya wa kûvurûka. Mûtiagîrîrwe nî kûruta wîra mûthenya ûcio, nwatî mûgomanage vamwe nîûndû wa kûgooca. Thavatû nî yakwa, na mûkaamîmenyagîrîra mûrî wa kûrîa mûkethagîrwa mûrî.

Alawi 23:37

(Ino nî irugo cia Ngai-Mûnene irîa mûkaarûmagîrîra na njîra ya kûgomana vamwe nîguo mûmûgooce na mûmûrutîre matega ma irio, matega ma kûvîvua, magongoona, na matega ma ndivei, wa mûthenya wa mûthenya ta ûrîa Ngai-Mûnene augîte.

Alawi 23:39

Mûkaambîrîria gûkûngûîra kîrugo gîkî mûthenya wa îkûmi na îtano mweri wa mûgwanja mwarîkia gûketha irio. Mûgaakûngûîra kîrugo gîkî îvinda rîa mîthenya mûgwanja, nwatî mûthenya wa mbere na wa kanana nî mîthenya ya kûvurûka.

Ndari 29:39

“Mama nîmo mawatho marîa megiî matega ma kûvîvua, matega ma irio cia mûgûnda, matega ma thayû, matega ma indo cia kûnyuwa, marîa mûkaarutagîra Ngai-Mûnene vîndî ya irugo cienyu wata ûrîa ivangîtwe. Mûkaarutaga matega mau vamwe na matega marîa mûrutagîra Ngai-Mûnene nîûndû wa kûvingia mwîvîtwa na matega ma kwîyendera.

Gûco 12:6

Vau nîvo mûkaaviraga matega menyu ma kûvîvua, magongoona, icunjî cienyu cia îkûmi, mîvothi yenyu, indo irîa mwîranîrîte, matega menyu ma kwîyendera, na marikithathi ma ng'ombe na ng'ondu cienyu.