Alawi 23:27 - ÎVUKU RÎA ÛVORO MWARO

²⁷ “Mûthenya wa îkûmi mwerirî wa mûgwanja wa mwaka wa mwaka nîrîo mambura ma kûtheria mevia ma andû a Isiraeli makaarûthagwa. Mûkenyerekagia mûthenya ûcio, na mûkagomana vamwe mûgooce na mûndutîre Nie, Ngai-Mûnene îtega rîa kûvîvua.

Alawi 23:27 ပူးပေါင်းရင်းမြစ်များ

Ezira 8:21

Vakuvî na mûtaro wa manjî wa Ahava nînerire andû onthe twînyerekie na twînyivie mbere ya Ngai wetû na tûvoe. Nîtwavoire Ngai na tûkîmûria atûtongorie na atûgitîre rûgendorî rwetû tûrî vamwe na ciana na indo cietû cionthe.

Thaburi 35:13

Nwatî rîrîa maarî arwaru, nînekîrire nguo ya macakaya; nînenyerekirie, na naavoyaga nyînamîtie kîongo gîakwa,

Ntha 30:10

Aroni akaarûthaga mambura ma kûtheria metha ya kîgongoona riita rîmwe wa mwaka. Akaamîtheragia na njîra ya gwîkîra mîtî îrîa yumîrîte ya metha ya kîgongoona nthakame ya nyamû îrîa îrutîtwe nîûndû wa îgongoona rîa kûtheria mevia. Îgongoona rîu nîrîtûûra rîrutagwa riita rîmwe wa mwaka nî njiarwa ciaku cionthe. Metha îno ya kîgongoona nî ntheru viû na nî nyamûrîre Ngai-Mûnene.”

Isaia 58:5

Mûthenya ûrîa mûrenyerekia, nîmwîverithagia; mwînamagîrîria ciongo cienyu ta kamûnyaki, na mûkaara nguo cia macakaya mûkaimamîra na mûkamama mûurî. Kûu nîkuo mwîtaga kwînyerekia? Mwîciragia nie Ngai-Mûnene, nwa ngenue nî mûthenya ta ûcio?

Alawi 16:11

“Aroni akîruta ndegwa îrî îtega rîa kûtheria mevia make ke mwene na ma andû a mûciî wake,

Alawi 16:15

“Vuva wa ûguo, nîakaaûraga mbûri ya îtega rîa kûtheria mevia ma andû, avire nthakame yayo vandû varîa vatheru Mûno na amîminjaminje îgûrû rîa gîkunîko wana vau mbere ya îthandûkû rîa kîrîkanîro, wata ûrîa eekire na nthakame ya ndegwa.

Alawi 16:16

Ûguo nîguo Aroni akaarûtha mambura ma kûtheria vandû varîa vatheru Mûno kuumana na gîko Kîam andû a Isiraeli vamwe na mevia mao monthe. Nwanginya ekage îgema rîa Ngai-Mûnene ûguo, nîûndû rîtûûraga gatagatîrî ka andû arîa matarî atheru.

Alawi 16:24

Nwanginya akeethambîria vandûrî varîa vatheru na ekîre nguo ciake. Vuva wa ûguo, nîakaauma na arute îtega rîa kûvîvua nîûndû wa kûtheria mevia make ke mwene na arute îtega rîa kûvîvua nîûndû wa kûtheria mevia ma andû.

Alawi 23:26

Ngai-Mûnene nîwerire Musa atîrî,

Alawi 23:28

Mûtikarute wîra mûthenya ûcio, nîûndû nî mûthenya wa mambura ma kûtheria mevia menyu Ngai-Mûnene, Ngai wenyu akîonaga.

Alawi 25:9

Nîmûgaacoka mûvuve tûrumbeta vûrûrirî wonthe mûthenya wa îkûmi mwerirî wa mûgwanja. Ûcio nîguo mûthenya wa mambura ma kûtheria mevia.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Ciîko 27:9

Nîtwatere mîthenya mîîngî rûgendorî nginya tûkîgîa na ûgwati wa kûthiî na mbere na rûgendo rwetû tûrî merirî nîûndû mûthenya wa kwîtheria mevia nîwarîkîtie kûvîtûka. Kwoguo Paûlo nîwamataarire akîmeera atîrî:

Jakuvu 4:9

Îguani kîeva, rîrani na mûcakae. Mîtheko yenyu nî îgarûrûke îtuîke kîrîro, nakîo gîkeno kîenyu gîtuîke kîeva.