Alawi 23:21 - ÎVUKU RÎA ÛVORO MWARO

²¹ Mûthenya ûcio nî gûkaaugîrîrua andû maûngane vamwe nîguo magooce. Mûtikaarute wîra mûrito mûthenya ûcio. Watho ûyû nîûtûûra ûrûmagîrîrwa nî njiarwa cienyu tene na tene kûrîa kuonthe mûtûûraga.

Alawi 23:21 ပူးပေါင်းရင်းမြစ်များ

Kîam 17:7

“Nîngavingia kîrîkanîro gîakwa nawe wana kûrî njiarwa ciaku irîa igaaûka. Kîrîkanîro kîu gîgaatûûra tene na tene. Nîngaatuîka Ngai waku na nduîke Ngai wa njiarwa ciaku.

Ntha 27:21

Taa nîigagwe îgemarî rîa Ngai-Mûnene nja ya gîtambaa kîrîa kîgaanîtie varîa îthandûkû rîa kîrîkanîro Kîam Ngai-Mûnene rîrî. Nake Aroni na avîcî ake mamîmenyagîrîre îkarage îgîakanaga îrî mbere ya Ngai-Mûnene kuuma kîvwaî nginya kîraûko. Watho ûyû nîwakûrûmagîrîrwa nî njiarwa cia andû a Isiraeli nginya tene na tene.

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Alawi 23:14

Mûtiagîrîrwe nî kûrîa ngano irî mbîthî kana irî mvîvie, wana kana irugîtwe mîgate, nginya rîrîa mûkaaruta îtega rîu kûrî Ngai-Mûnene. Watho ûyû nîûtûûra ûrûmagîrîrwa tene na tene nî njiarwa cienyu cionthe kûrîa mûtûûraga.

Alawi 23:2

“Îra andû a Isiraeli, atî ino nîcio irugo cia Ngai-Mûnene irîa ciamûrîtwe ikûngûagîrwe rîrîa magomanîte vamwe nîûndû wa kûgooca.

Alawi 23:20

Mûthînjîri-Ngai nîakaarutîra Ngai-Mûnene indo icio vamwe na mûgate wa maketha ma mbere ma mwaka na tûtûrûme tûu twîrî irî kîveo Kîam mwanya Kîam athînjîri-Ngai. Matega mau nî matheru.

Alawi 23:25

Mûkaarutîra Ngai-Mûnene îtega rîa kûvîvua na mûtikarute wîra ûrîa mûrutaga wa mûthenya.”

Alawi 23:31

Gûtirî wîra mwîtîkîrie kûrutwa mûthenya ûcio. Watho ûyû nîûtûûra ûrûmagîrîrwa tene na tene nî njiarwa cienyu cionthe kûrîa kuonthe mûtûûraga.

Alawi 23:4

Kûngûagîrani irugo ino irûmîrîrîte cia Ngai-Mûnene vîndî yacio yakinya.

Alawi 23:7

Mûthenya wa mbere wa gûkûngûîra pasaka, nîmûkaagomana vamwe nîûndû wa kûgooca na mûtikarutage wîra ûrîa mûrutaga wa mûthenya.

Alawi 3:17

Watho ûyû nî ûtûûra ûrûmagîrîrwa nî njiarwa cia Isiraeli, atî gûtirî Mûisiraeli ûkaarîa mathunya kana anyue nthakame kûrîa kuonthe magaatûûra.

Ndari 18:23

Nwatî Alawi onga nîo magaatungataga îgemarî rîa Ngai-Mûnene na marîmenyagîrîre. Watho ûyû nîwagûtûûra ûrûmagîrîrwa nî njiarwa cionthe ciaku. Alawi matikagaa kîndû vûrûri wa Isiraeli,

Gûco 16:11

Kenagani mûrî mbere ya Ngai-Mûnene Ngai wenyu mûrî vamwe na ciana cienyu, ndungata cienyu, Alawi, ageni, ciana cia ndigwa na aka a ndigwa arîa matûûraga matûûrarî menyu. Îkagani ûguo mûrî varîa Ngai-Mûnene Ngai wenyu akaathuura va kûgoocagîrwa.