Alawi 23:20 - ÎVUKU RÎA ÛVORO MWARO

²⁰ Mûthînjîri-Ngai nîakaarutîra Ngai-Mûnene indo icio vamwe na mûgate wa maketha ma mbere ma mwaka na tûtûrûme tûu twîrî irî kîveo Kîam mwanya Kîam athînjîri-Ngai. Matega mau nî matheru.

Alawi 23:20 ပူးပေါင်းရင်းမြစ်များ

Ntha 29:24

Wîkîre mîgate îo na nyama icio cionthe njararî cia Aroni na avîcî ake nîguo manyamûrîre cio irî kîveo Kîam mwanya.

Alawi 23:17

Wa andû a nyomba îmwe nîmakaavira mîgate îîrî kuuma kûrîa matûûraga nîguo mûthînjîri-Ngai amîrutîre Ngai-Mûnene îrî kîveo Kîam mwanya. Wa mûgate ûkethîrwa ûrugîtwe na mûtu mûvinyu wa ûrito wa kilo igîrî ûrugîtwe na ûrî na ndawa ya kwimbia. Mûkaaûrutagîra Ngai-Mûnene rîrî îtega rîa maketha ma mbere.

Alawi 23:19

Mûgaacoka mûrute nthenge îmwe îrî îtega rîa kûtheria mevia na tûtûrûme twîrî twa ûkûrû wa mwaka ûmwe rîrî îtega rîa thayû.

Alawi 23:21

Mûthenya ûcio nî gûkaaugîrîrua andû maûngane vamwe nîguo magooce. Mûtikaarute wîra mûrito mûthenya ûcio. Watho ûyû nîûtûûra ûrûmagîrîrwa nî njiarwa cienyu tene na tene kûrîa kuonthe mûtûûraga.

Alawi 8:29

Nîwacokire agîoca kîthûri na agîkîrutîra Ngai-Mûnene kîrî kîveo Kîam mwanya. Kau nîko kaarî gacunjî ka Musa ka ndûrûme îo ya îtega rîa kwamûrwa kwa andû. Musa eekire wa ûrîa Ngai-Mûnene aamwathîte eke.

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

1Akor 9:11

Ethîrwa nîtûvandîte mbegû ya kîîroho gatagatîrî kenyu, nîkwa arî ûndû mûnene tûngîketha kuuma kûrî indo cienyu cia gûkû nthî?

Aefeso 2:14

Nîûndû Kristû nîke thayû wetû. Ke nîanyitithanîtie Ayahudi na andû a Ndûrîrî magatuîka kîndû kîmwe. Maagaûkanîte takwa vaarî na rûthingo gatagatîrî kao, nwatî Kristû nîwatharirie rûthingo rwa rûmena na njîra ya kûruta mwîrî wake.

Gûco 18:4

Akaavecagwa maketha ma mbere ma ngano, ndivei, maguta ma ndamaiyû, na guoya wa ng'ondu ûrîa ikenjagwa riita rîa mbere.