Alawi 23:2 - ÎVUKU RÎA ÛVORO MWARO

² “Îra andû a Isiraeli, atî ino nîcio irugo cia Ngai-Mûnene irîa ciamûrîtwe ikûngûagîrwe rîrîa magomanîte vamwe nîûndû wa kûgooca.

Alawi 23:2 ပူးပေါင်းရင်းမြစ်များ

2Atha 10:20

Jehu nîwacokire akîathana atîrî, “Menyithaniani mûthenya wa kûgooca Baali!” Nao nîmaamenyithanirie ûndû ûcio.

1Maû 23:31

Alawi nîmaarutaga matega ma kûvîvua ma Ngai-Mûnene mîthenya ya thavatû, ciathî cia mweri wacicûka na mîthenya îrîa îngî ya ciathî. Kwarî na mawatho marîa maarûmagîrîrwa ma kwonania Alawi arîa maagîrîrwe nî gûtungata kavinda gwa kavinda marî hekarûrî.

2Maû 2:3

Solomoni nîwatûmanire kûrî Hiramu, mûthamaki wa Turo na akîmwîra atîrî, “Mindîra mîtî ya mîtarakwe ta ûrîa wekire vava Daudi rîrîa wamwindîre mîtî ya gûtuma nyomba yake.

2Maû 30:5

Kwoguo nîmaanîrîre Isiraeli kuonthe kuuma Beerisheba nginya Dani mathiî Jerusalemu magakûngûîre pasaka ya Ngai-Mûnene, Ngai wa Isiraeli. Andû nîmeekarîte îvinda îraca matakûngûîrîte pasaka marî eengî kûringana na ûrîa watho ugîte.

Ezira 3:5

Na vuva wa gûkûngûîra kîrugo gîa tûnyomba twa magema, nîmeethagîrwa marî na matega mengî ma kûvîvua. Matega mau maarî ma vîndî ya karûngamo ka mweri na irugo cionthe irîa ciagoocagwa Ngai-Mûnene. Na nîkwethagîrwa kûrî na matega mengî marîa andû maategagîra Ngai-Mûnene na njîra ya kwîyendera.

Thaburi 81:3

Vuvani karumbeta mwanîrîre kîrugo Kîam mweri wacicûka, na kîrugo gîetû vîndî îrîa mweri ûramakia nthinwa.

Ntha 32:5

Aroni nîwacokire agîtuma metha ya kîgongoona vau mbere ya mûvuanano wa ndegwa îo ya thaavu na akîmeera atîrî, “Rûyû nî gûkaagîa na kîrugo nîguo tûkumie Ngai-Mûnene.”

Isaia 33:20

Taroriani Zayuni îtûûra rîrîa tûkûngûagîra irugo cietû cia ndini. Taroriani Jerusalemu kûndû kûvoreru kwa gûtûûra îgema rîtangîenyenya, nthugî cia rîo itigaakûûrwa, kana mîkanda ya rîo îtuîka.

Maca 1:4

Varavara cia kûthiî Zayuni nîiracakaya, gûtirî mûndû ûthiîcaga irugorî irîa nyamûre. Mîvîrîga yakuo yonthe nîmîtiganîrie, athînjîri-Ngai akuo nîmaracaa. Erîtu akuo nîmarathînîka, nayo Zayuni nîrathînîka.

Ezek 44:24

Kûngîgîa na ngucanio magatuithanagia ciira kûringana na watho wakwa ûrîa ûgîte. Makaarûmagîrîra mawatho ma mîthenya îrîa mîamûre kûringana na mawatho na irîra ciakwa, na mamenyagîrîre thavatû ciakwa ciîthagîrwe irî ntheru.

Hosea 2:11

Nîngarûgamia mambura make monthe, irugo ciake cia mwambîrîrio wa mweri na cia thavatû, na magongoona marîa mengî monthe matuîtwe.

Joeli 1:14

Rutani watho andû menyerekie; îtani andû magomane vamwe. Ûnganiani andû arîa akûrû na andû arîa matûûraga vûrûrirî mûthiî hekarûrî ya Ngai-Mûnene, Ngai wenyu, na mûrî kûu mûrîrîre Ngai-Mûnene.

Joeli 2:15

Vuvani karumbeta kûu kîrîmarî gîa Zayuni; anîrîrani andû menyerekie, na mwîtane mûcemanio mûtheru.

Alawi 23:1

Ngai-Mûnene nîwerire Musa atîrî,

Alawi 23:21

Mûthenya ûcio nî gûkaaugîrîrua andû maûngane vamwe nîguo magooce. Mûtikaarute wîra mûrito mûthenya ûcio. Watho ûyû nîûtûûra ûrûmagîrîrwa nî njiarwa cienyu tene na tene kûrîa kuonthe mûtûûraga.

Alawi 23:37

(Ino nî irugo cia Ngai-Mûnene irîa mûkaarûmagîrîra na njîra ya kûgomana vamwe nîguo mûmûgooce na mûmûrutîre matega ma irio, matega ma kûvîvua, magongoona, na matega ma ndivei, wa mûthenya wa mûthenya ta ûrîa Ngai-Mûnene augîte.

Alawi 23:4

Kûngûagîrani irugo ino irûmîrîrîte cia Ngai-Mûnene vîndî yacio yakinya.

Alawi 23:44

Ûguo nîguo Musa aaveere andû a Isiraeli mawatho ma kûrûmîrîrwa vîndî îrîa makûrûtha irugo magîkumia Ngai-Mûnene.

Nahumu 1:15

Taroria, mûnjaama nîaûkîrîr îte irîmarî arî na ûvoro mwaro. Aûkîte kwanîrîra ûvoro mwaro kûrî andû a Juda. Kûngûagîrani irugo cienyu mue andû a Juda, na mûvecage Ngai kîrîa mwamwîrîre. Nîûndû andû arîa aganu matikamûtharîkîra rîngî, nîûndû nîacûkangie viû.

Ndari 10:10

Mîthenya yenyu ya gîkeno, irugo cia mweri ûgîcicûka, na irugo icio ciîngî vuvagani tûrumbeta rîrîa mûkûruta matega ma kûvîvua na matega ma thayû. Tûrumbeta tûu tûgaatûmaga mûririkane Ngai wenyu. Nie nînie Ngai-Mûnene, Ngai wenyu.”

Ndari 29:39

“Mama nîmo mawatho marîa megiî matega ma kûvîvua, matega ma irio cia mûgûnda, matega ma thayû, matega ma indo cia kûnyuwa, marîa mûkaarutagîra Ngai-Mûnene vîndî ya irugo cienyu wata ûrîa ivangîtwe. Mûkaarutaga matega mau vamwe na matega marîa mûrutagîra Ngai-Mûnene nîûndû wa kûvingia mwîvîtwa na matega ma kwîyendera.

Johana 5:1

Vuva wa ûguo, Jesû nîwathiîre Jerusalemu kîrugorî Kîam Ayahudi.

Akol 2:1

Nie nîrenda mûmenye ûrîa ndutîte wîra mûmû nîûndû wenyu na nîûndû wa andû a îtûûra rîa Laodikia na nîûndû wa andû arîa engî onthe mataanamona.

Akol 2:16

Kwoguo mûtikaanetîkîrie mûndû wana ûrîkû amûtuîre kîrîa mûkûrîa, kana kîrîa mûkûnyua wana kana ûrîa mûkûrûmîrîra mîthenya mîthuure, kana irugo cia mweri mûcerû, wana kana thavatû.