Alawi 23:14 - ÎVUKU RÎA ÛVORO MWARO

¹⁴ Mûtiagîrîrwe nî kûrîa ngano irî mbîthî kana irî mvîvie, wana kana irugîtwe mîgate, nginya rîrîa mûkaaruta îtega rîu kûrî Ngai-Mûnene. Watho ûyû nîûtûûra ûrûmagîrîrwa tene na tene nî njiarwa cienyu cionthe kûrîa mûtûûraga.

Alawi 23:14 ပူးပေါင်းရင်းမြစ်များ

Nehemia 9:14

Nîwamathomithirie kûrûmagîrîra thavatû yaku ntheru, kûvîtûkîrîra Musa ndungata yaku nîwamaathire marûmagîrîre maathani maku.

Thaburi 19:8

Mawatho ma Ngai-Mûnene nî ma ma, na arîa mamavingagia methagîrwa marî akenu. Maathani ma Ngai-Mûnene nî matheru, na nî mathomithagia mûndû.

Ntha 27:21

Taa nîigagwe îgemarî rîa Ngai-Mûnene nja ya gîtambaa kîrîa kîgaanîtie varîa îthandûkû rîa kîrîkanîro Kîam Ngai-Mûnene rîrî. Nake Aroni na avîcî ake mamîmenyagîrîre îkarage îgîakanaga îrî mbere ya Ngai-Mûnene kuuma kîvwaî nginya kîraûko. Watho ûyû nîwakûrûmagîrîrwa nî njiarwa cia andû a Isiraeli nginya tene na tene.

Ntha 34:26

“Mwaka wa mwaka mûretage nyombarî ya Ngai-Mûnene irio cia mbere cia maketha ma mîgûnda. “Mûtikaaruge koori ka mbûri kana kagondu na îria rîa ng'ina.”

Alawi 10:11

Nwanginya mûthomithie andû a Isiraeli mawatho monthe marîa nîmwîrîte kûvîtûkîrîra kûrî Musa.”

Alawi 2:14

Rîrîa ûkûrutîra Ngai-Mûnene îtega rîa maketha maku ma mbere, ûrutage irio cia mûgûnda irî mbokie, kana mûtu ûthîîtwe wa ngano.

Alawi 23:31

Gûtirî wîra mwîtîkîrie kûrutwa mûthenya ûcio. Watho ûyû nîûtûûra ûrûmagîrîrwa tene na tene nî njiarwa cienyu cionthe kûrîa kuonthe mûtûûraga.

Alawi 23:41

Mûgaakûngûagîra kîrugo gîkî îvinda rîa mîthenya mûgwanja, mwerirî wa mûgwanja wa mwaka. Watho ûyû nîûtûûra ûrûmagîrîrwa nî njiarwa cienyu.

Alawi 3:17

Watho ûyû nî ûtûûra ûrûmagîrîrwa nî njiarwa cia Isiraeli, atî gûtirî Mûisiraeli ûkaarîa mathunya kana anyue nthakame kûrîa kuonthe magaatûûra.

Gûco 16:12

Athîkagîrani maathani mama na kinyi na mûririkanage atî vîndî îmwe mwatûûraga Misiri mûrî ngombo.