Alawi 22:32 - ÎVUKU RÎA ÛVORO MWARO

³² Mûtigaconorithie rîîtwa rîakwa rîtheru. Andû onthe a Isiraeli nwanginya mandîîage nîûndû nîrî mûtheru. Nie nînie Ngai-Mûnene, ûrîa ûmûtheragia,

Alawi 22:32 ပူးပေါင်းရင်းမြစ်များ

Isaia 5:16

Nwatî Ngai-Mûnene mwene vinya wonthe onanagia ûnene wake na njîra ya gûtuîra andû ciira na kîvooto, na akonania ûtheru wake na njîra ya ûthingu wake.

Isaia 8:13

Nwatî ririkana, atî Ngai-Mûnene, mwene vinya wonthe, nînie nîngîkûmakia na nîmbagîrîrwe nî gwîtigîrwa.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Alawi 18:21

Mûtikanenganîre ciana cienyu ciamûrîrwe ngai îrîa îtagwa Moleku, na mwaki, nîûndû kûu nî gûconorithia rîîtwa rîa Ngai-Mûnene, Ngai.

Alawi 20:8

Vingagiani mawatho makwa, nîûndû Nie nînie Ngai-Mûnene ûrîa ûmûtheragia.”

Alawi 21:15

nîguo ndakagwatie ciana ciake gîko gatagatîrî ka andû ao. Nie nînie Ngai-Mûnene na nînie nîmwamûrîte arî Mûthînjîri-Ngai Mûnene.”

Alawi 21:8

Tucagani mûthînjîri-Ngai mûndû mwamûre nîûndû nîarutagîra Ngai matega ma irio. Nie Ngai-Mûnene nîrî mûtheru na nînie nîmûtheragia.

Alawi 22:16

na njîra ya gwîtîkîria mûndû ûtarî mwîtîkîrie kûrîa irio icio. Mûndû ta ûcio angîrîa irio icio nwa ethîrwe arî na wîvia na nwa averithue.” Nie nînie Ngai-Mûnene na nînie ntheragia matega.

Alawi 22:2

“Îra Aroni na avîcî ake, atî nwanginya matîîage matega matheru marîa andû a Isiraeli manyamûrîrîte, nîguo athînjîri-Ngai acio matigaconorithie rîîtwa rîakwa rîtheru. Nie nînie Ngai-Mûnene.

Alawi 22:31

Ngai-Mûnene nîwaugire atîrî, “Menyagîrîrani Maathani makwa. Nie nînie Ngai-Mûnene.

Alawi 22:33

na nînie naamûrutire vûrûri wa Misiri nîguo nduîke Ngai wenyu. Nie nînie Ngai-Mûnene.”

Mathaayo 6:9

Kwoguo voyagani atîrî: ‘Vava wetû ûrî îgûrû, rîîtwa rîaku rîtheru rîrokumua.

Luka 11:2

Nake Jesû nîwamerire atîrî, “Vîndî îrîa mûkûvoya, ugagani atîrî, ‘Vava: Rîîtwa rîaku rîtheru rîrotîîwa; ûthamaki waku nî ûûke.

Johana 17:17

Mamûre matuîke aku ûvororî wa ma. Ciugo ciaku nî cia ma.

1Akor 1:2

nîtwamwandîkîra maarûa mue kanitha wa Ngai ûrîa ûrî îtûûrarî rîa Korinitho na kûrî arîa onthe metîtwe matuîke andû a Ngai arîa matuîkîte ake marî na ûrûmwe na Jesû Kristû. Mue mwîtîtwe mûtuîke andû a Ngai mûrî vamwe na andû onthe arîa marî kûndû kuonthe na magoocaga Mwathani wetû Jesû Kristû ûrîa arîke Mwathani wao na wetû: