Alawi 22:2 - ÎVUKU RÎA ÛVORO MWARO

² “Îra Aroni na avîcî ake, atî nwanginya matîîage matega matheru marîa andû a Isiraeli manyamûrîrîte, nîguo athînjîri-Ngai acio matigaconorithie rîîtwa rîakwa rîtheru. Nie nînie Ngai-Mûnene.

Alawi 22:2 ပူးပေါင်းရင်းမြစ်များ

Ezira 8:28

Nînacokire ngîra athînjîri-Ngai acio atîrî, “Mue mûrî atheru methorî ma Ngai-Mûnene, Ngai wa methe menyu ma tene. Wana sîlûva, thaavu na mbakûri ino cionthe andû marutîte na njîra ya kwîyendera nî ntheru.

Ntha 13:12

mûkaamwamûrîra marikithathi monthe. Marikithathi monthe ma ûrîthi wenyu, nî ma Ngai-Mûnene.

Ntha 28:38

Aroni agagekagîra kîthithirî gîake vîndî cionthe, nîguo nie, Ngai-Mûnene mbîtîkagîre matega marîa andû a Isiraeli makandutagîra wana ethîrwa mekîte mavîtia vîndî îrîa makûndutîra matega.

Isaia 52:11

Thiîni, thiîni, mume kûu Babuloni, mûtikavutie kîndû wa kîonthe kîrî mûgiro! Îîtherieni mue mûkuuaga indo cia Ngai-Mûnene.

Ezek 44:8

Nîmûregete kûrûmîrîra mawatho makwa marîa mamûre ma hekarû, vandû va ûguo ageni nîo mwîtîkîrîtie mamarûmagîrîre.

Alawi 15:31

“Ngai-Mûnene nîwerire Musa akaanie andû a Isiraeli gûkuvîvîria îgema rîa Ngai-Mûnene rîrîa rîarî gatagatîrî kao vîndî îrîa matarî atheru, nîûndû meka ûguo nîmagaakua nîûndû wa kûgwatia îgema rîa Ngai-Mûnene gîko.”

Alawi 18:21

Mûtikanenganîre ciana cienyu ciamûrîrwe ngai îrîa îtagwa Moleku, na mwaki, nîûndû kûu nî gûconorithia rîîtwa rîa Ngai-Mûnene, Ngai.

Alawi 19:12

Mûtikanevîte na rîîtwa rîakwa rîrîa mûkûvenania, nîûndû kûu nî kûnyararithia rîîtwa rîakwa. Nie nînie Ngai-Mûnene, Ngai wenyu.

Alawi 20:3

Mûndû ûrîa ûkaavaka îgema rîakwa rîtheru mûgiro na aconorithie rîîtwa rîakwa rîtheru na njîra ya kûvecana wanarî ûmwe wa ciana ciake kûrî Moleku, nîngaamûverithia na nîmwamûranie na andû akwa.

Alawi 21:6

Nwanginya methagîrwe marî atheru na nwanginya matîîage rîîtwa rîakwa, nîûndû nîo mandutagîra matega ma kûvîvua, kwoguo na nwanginya methagîrwe marî atheru.

Alawi 22:1

Ngai-Mûnene nîwerire Musa atîrî,

Alawi 22:32

Mûtigaconorithie rîîtwa rîakwa rîtheru. Andû onthe a Isiraeli nwanginya mandîîage nîûndû nîrî mûtheru. Nie nînie Ngai-Mûnene, ûrîa ûmûtheragia,

Ndari 18:32

Mûtikethîrwa mwîkîte naaî nîûndû wa kûrîa matega mau, ethîrwa mûkethagîrwa mûrutîrîte Ngai-Mûnene marîa maro mûno kuuma kûrî mo. Nwatî menyagîrîrani mûtigatûmagîre naaî iveo irîa nyamûre cia andû a Isiraeli na njîra ya kûrîa wanarî kîmwe gîa cio mbere ya kîrîa Kîamro mûno gîa cio kîrutîrwa Ngai-Mûnene. Mûngîgeeka ûguo, nîmûkaaûragwa.”

Gûco 15:19

“Amûragîrani Ngai-Mûnene Ngai wenyu marikithathi monthe ma ng'ombe na ma ng'ondu cienyu. Mûtikarutithagie wîra marikithathi ma ng'ombe, kana mwenje marikithathi ma ng'ondu cienyu.