Alawi 22:16 - ÎVUKU RÎA ÛVORO MWARO

¹⁶ na njîra ya gwîtîkîria mûndû ûtarî mwîtîkîrie kûrîa irio icio. Mûndû ta ûcio angîrîa irio icio nwa ethîrwe arî na wîvia na nwa averithue.” Nie nînie Ngai-Mûnene na nînie ntheragia matega.

Alawi 22:16 ပူးပေါင်းရင်းမြစ်များ

Thaburi 38:4

Mevia makwa nî meengî mûno, manditûvîrîte ta mûrigo na ndingîvota kûmakuua.

Ntha 28:38

Aroni agagekagîra kîthithirî gîake vîndî cionthe, nîguo nie, Ngai-Mûnene mbîtîkagîre matega marîa andû a Isiraeli makandutagîra wana ethîrwa mekîte mavîtia vîndî îrîa makûndutîra matega.

Alawi 10:17

“Mwaregire kûrîa îtega rîa kûtheria mevia mûrî vandû varîa vamûre nîkî? Îtega rîu nî rîtheru mûno na Ngai-Mûnene amûvete rîo rîrî rîa kûtheria wîvia wa andû.

Alawi 20:8

Vingagiani mawatho makwa, nîûndû Nie nînie Ngai-Mûnene ûrîa ûmûtheragia.”

Alawi 21:15

nîguo ndakagwatie ciana ciake gîko gatagatîrî ka andû ao. Nie nînie Ngai-Mûnene na nînie nîmwamûrîte arî Mûthînjîri-Ngai Mûnene.”

Alawi 21:23

Nwatî nîûndû mûthînjîri-Ngai ûcio arî na wonje, ndagîrîrwe nî gûkuvîvîria gîtambaa kîrîa kîtheru kana akuvîvîria metha ya kîgongoona. Ndagîrîrwe nî kûgwatia indo icio ntheru gîko, nîûndû Nie nînie Ngai-Mûnene na nînie nîitheragia.”

Alawi 21:8

Tucagani mûthînjîri-Ngai mûndû mwamûre nîûndû nîarutagîra Ngai matega ma irio. Nie Ngai-Mûnene nîrî mûtheru na nînie nîmûtheragia.

Alawi 22:17

Ngai-Mûnene nîwerire Musa atîrî,

Alawi 22:9

“Athînjîri-Ngai onthe nwanginya mamenyerere mawatho marîa nîmavete. Nwatî mangîrega gwîka guo makethîrwa marî na mevia na nîmagaakua, nîûndû wa kûrega kwathîkîra mawatho makwa. Nie nînie Ngai-Mûnene na nînie ntheragia athînjîri-Ngai.

Alawi 7:18

Ethîrwa imwe cia nyama icio nwa irîwe mûthenyarî wa kathatû Ngai ndageetîkîra mûndû ûcio ûkethîrwa akîruta îtega rîu. Narîo îtega rîake rîtigeetîkîrîka na rîkethîrwa rîrî mûgiro, nake mûndû wa wonthe ûkaarîa nyama icio nîakaaverithua.

Ndari 18:1

Ngai-Mûnene nîwerire Aroni atîrî, “We, avîcî aku, vamwe na andû a nyomba yaku nî mue mûkaaverithua kûngîkaagîa na mavîtia marûthîrîtwe varîa Vatheru. Nwatî we na avîcî aku nîmue mûkaaverithua nîûndû wa mavîtia marîa makaaumana na ûthînjîri-Ngai.

Ndari 18:32

Mûtikethîrwa mwîkîte naaî nîûndû wa kûrîa matega mau, ethîrwa mûkethagîrwa mûrutîrîte Ngai-Mûnene marîa maro mûno kuuma kûrî mo. Nwatî menyagîrîrani mûtigatûmagîre naaî iveo irîa nyamûre cia andû a Isiraeli na njîra ya kûrîa wanarî kîmwe gîa cio mbere ya kîrîa Kîamro mûno gîa cio kîrutîrwa Ngai-Mûnene. Mûngîgeeka ûguo, nîmûkaaûragwa.”

Mathaayo 23:17

Mue irimû ino ndumumu! Nî ndûî kîrî vata makîria; nî thaavu kana nî hekarû îrîa îtûmaga thaavu îo îtuîke nyamûre?

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.