Alawi 21:9 - ÎVUKU RÎA ÛVORO MWARO

⁹ Mwîrîtu wa mûthînjîri-Ngai angîtuîka îraa, nîaconorithagia îthe; kwoguo mwîrîtu ûcio nî akaavîvua na mwaki nginya akue.

Alawi 21:9 ပူးပေါင်းရင်းမြစ်များ

Kîam 38:24

Vuva wa mîeri îthatû Juda nîwerirwe atîrî, “Tamarû mûka wa mûvîcîguo ethîrîtwe akîvûra ûmaraa, na rîu arî îvu.” Juda nîwathanire akiuga atîrî, “Mûruteni nja ya îtûûra na mûmûvîvie.”

Ntha 31:14

Kwoguo nî mwagîrîrwe nî kûmenyagîrîra mûthenya wa thavatû, nîûndû nî mwamûre. Mûndû wa wonthe ûkaarega gûtîîa mûthenya wa thavatû nîakaaûragwa, mûndû wa wonthe ûkaaruta wîra mûthenya wa thavatû nîakaamûranua na andû akwa.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

Alawi 19:29

“Mûtigaconorithie erîtu enyu na njîra ya kûmatua maraa ma hekarû. Mûngîka ûguo, nî mûkaambîrîria kûgooca ngai ciîngî na vûrûri wîcûrwe nî mîtugo mîcûku.

Alawi 20:14

Mûndûmûrûme angîkaavikia mwîrîtu na avikie ng'ina wa mwîrîtu ûcio, andû acio wa o athatû nîmakaavîvua makue, nîûndû wa ûndû ûcio mûcûku makethîrwa mekîte. Ûndû ta ûcio ndwagîrîrwe nî gwîkîka gatagatîrî kenyu.

Malaki 2:3

Taroria, nîngaaverithia ciana cienyu, na nîûndû wa waganu wenyu, nîmûvake mothiû menyu mai ma nyamû irîa mûrutîte irî îtega kûrî nie. Nîngaacoka nîmwîngate ndige kûmwona.

Gûco 22:21

atongoria a îtûûra nîmagooca mûndûmûka ûcio na mamûvire mûromorî wa nyomba ya îthe na mamûragîre vo na mathiga, nîûndû nîaconorithîtie andû a Isiraeli na njîra ya kwîvecana amenywe kîîmwîrî mbere ya avikue. Ûguo nîguo mûkaathiria wîvia ûcio gatagatîrî kenyu.

Tito 1:6

nwa nginya mûthuuri wa kanitha ethagîrwe atarî na ûcuke, na ethîrwe avikîtie mûndûmûka ûmwe. Ciana ciake nwa nginya ciîthagîrwe ciîtîkîtie Jesû Kristû, irî na ngumo mbaro na irî mbathîki.

Josh 7:15

Na mûndû ûrîa nake ûgaatuîka nîke wîvîtie, nîakaavîvua na mwaki vamwe na andû ake onthe, wana indo ciake cionthe. Akaavîvua nîûndû ke nîaunîte kîrîkanîro Kîam Ngai-Mûnene na nîatûmîte Isiraeli magîa na gîconoko kînene.”

Josh 7:25

Nake Joshua nîwamûririe atîrî, “Akani watûretere thîna wîgana ûû nîkî? Ngai-Mûnene nîagûkûretera thîna ûmûnthî.” Nao andû onthe a Isiraeli nîmaarivire Akani na mathiga na agîkua na makîriva ciana ciake na mathiga igîkua na makîmavîvia vamwe na indo ciake.

1Sam 2:17

Kwoguo Ngai-Mûnene nîwonire atî, wîvia wa anake a Eli warî mûnene mûno, nîûndû matiavecaga iveo irîa ciarutagîrwa Ngai-Mûnene gîtîîo.

1Sam 2:34

Naguo ûndû ûrîa ûgeekîka kûrî anake aku oîrî, Hofini na Finehasi nîguo ûgaatuîka kîmenyithia kûrî we atî, maûndû monthe marîa mbugîte nîmakaavinga. Naguo nî atî, anake aku wa oîrî magaakua mûthenya ûmwe.