Alawi 21:5 - ÎVUKU RÎA ÛVORO MWARO

⁵ “Gûtirî mûthînjîri-Ngai ûkenja njuîrî wanarî mwena ûmwe wa kîongo gîake ithira kana enja nderu ciake kana etemange mwîrî.

Alawi 21:5 ပူးပေါင်းရင်းမြစ်များ

Isaia 15:2

Andû a Diboni nîmaunûkîtie kûrîa magoocagîra magacakae. Andû a Moabu mararîrîra matûûra ma Nebo na Medeba. Andû onthe nî enju ciongo ciao na makenja nderu ciao,

Isaia 22:12

Mûthenya ûcio Ngai-Mûnene mwene vinya wonthe, nîwamwîtire mûrîre na mûcakae, mwenje njuîrî na mwîkîre nguo cia macakaya.

Jeremia 16:6

Itonga na athîni onthe nîmakuîra vûrûrirî ûyû, matikathikwa na gûtirî mûndû ûkamacakaîra, kana etemanga, kana enje kîrîa nîguo onanie atî nîaramacakaîra.

Jeremia 48:37

Andû onthe nîenju ciongo na nderu ciao. Onthe nîmetemangîte njara, na makeyova nguo cia macakaya ciûnorî.

Ezek 44:20

“Athînjîri-Ngai matikenjwe njuîrî cia ciongo ciao kana marera njuîrî iracava mûno. Makaigaga njuîrî yao îrî nenge waro.

Ezek 5:1

Ngai-Mûnene nîwambîrire atîrî, “We mûndû, oca rûviû rûûgî. Rûtûmîre ta kawembe ka mwenji wenje nderu ciaku na njuîrî ciaku cia kîongo. Ûcoke ûithime na ûigaanie maita mathatû (3).

Alawi 10:6

Musa nîwacokire akîra Aroni na avîcî ake, Eliazaru na Ithamaru atîrî, “Mûtikarege gûcanûra njuîrî cienyu kana mûtembûrange nguo cienyu atî nîguo mwonanie mûrî na kîeva. Mweka ûguo mûgaakua, na Ngai-Mûnene akaarakara nî andû onthe. Nwatî andû enyu a Isiraeli nwa macakae nîûndû wa ikuû ino ciumanîte na mwaki ûrîa umire kûrî Ngai-Mûnene.

Alawi 21:4

Mûthînjîri-Ngai ndakegwatia gîko akîthiî îgongoonarî rîa mathiko ma athoni ake.

Amosi 8:10

Nîngaatûma irugo cienyu ituîke kîrîro, na nyîmbo cienyu cionthe ituîke cia macakaya. Nîngaatûma andû onthe mekîre nguo cia macakaya, na ndûme menje njuîrî cionthe ciongorî ciao, gûgekara ta andû magîcakaîra mwana wa kîmomwe, na mûthenya wa mûthiia ûkethîrwa ûrî na ûrûrû mwîngî.

Mika 1:16

Andû a Juda enjani njuîrî cienyu mûtigwe mûrî irîa mûrîrîre ciana cienyu irîa mwendete, neneviani ivara cienyu ciîkare ta cia nderi, nîûndû ciana nîigaatavwa ivirwe îthamîriorî.

Gûco 14:1

“Mue mûrî ciana cia Ngai-Mûnene Ngai wenyu. Kwoguo vîndî îrîa mûgûcakaya mûtigatemange mîîrî yenyu kana mwenje mwena wa mbere wa ciongo cienyu nîûndû wa mûndû ûrîa ûkuîte, ta ûrîa andû a mavûrûri marîa mengî mekaga.