Alawi 20:27 - ÎVUKU RÎA ÛVORO MWARO

²⁷ “Mûndûmûrûme kana mûndûmûka wa wonthe mûndûmûgo kana mûrogi nîakaaûragwa na mathiga. Ikuû cia andû acio ikaaumana na ciîko ciao o ene.”

Alawi 20:27 ပူးပေါင်းရင်းမြစ်များ

2Maû 33:6

Nîwarutire anake ake marî îgongoona rîa kûvîvua Kîamndarî Kîam mûvîcî wa Hinomu. Nîwarûthire maûndû ma ûragûri, kûringa mbûgû, kûringa ciama na nîwaranagîria na oni maûndû na arogi. Nîwekire maûndû macûku mbere ya Ngai-Mûnene na agîtûma arakare.

Ntha 22:18

“Mûtikareke mûndûmûka mûrogi atûûra mwoyo.

Alawi 19:31

“Mûtikathiî kûria ûtethio kûrî ago kana oni maûndû. Mweka ûguo, nî mûkaagwatua mîgiro nî o. Nie nînie Ngai-Mûnene, Ngai wenyu.

Alawi 20:2

“Îra andû a Isiraeli, atî mûndû wa wonthe wa Isiraeli kana mûgeni wa wonthe mûtûûranagia nake angîkaavecana wanarî ûmwe wa ciana ciake kûrî Moleku, ngai ya mûvuanano, nîakaaûragwa na mathiga nî andû onthe.

Alawi 20:6

“Mûndû angîkaathiî kûria ûtethio kûrî ago na oni maûndû na arege kwîthîrwa arî mwîvokeku kûrî nie, nî ngaamûverithia na nîmwamûranie na andû akwa.

Alawi 24:14

“Ruta mûndû ûcio ûrumanire na kûu nja ya kûu mwambîte magema na andû onthe arîa megwire akîrumana maigîrîre njara ciao îgûrû rîa kîongo gîake nao andû onthe mamûûrage na mathiga.

Ndari 15:35

Ngai-Mûnene nîwacokire akîra Musa atîrî, “Mûndû ûcio nwanginya aûragwe; andû onthe a Isiraeli nîmamûrage na mathiga arî nja ya kûrîa maatûûraga.”

Ciîko 16:16

Na vîndî îmwe rîrîa twathiîte vandû va kûvoera, nîtwatûngirwe nî mwîrîtu ûmwe ngombo, warî na ngoma yamûvotithagia gwîciirîria maûndû marîa maarî mekîke. Mwîrîtu ûcio nîwatûmaga ene ke moone mbeca nyîngî mûno na njîra ya gwîciirîria kûu gwake kwa maûndû marîa maarî mekîke.

Gûco 21:21

Nao andû onthe a îtûûra nî makaamûraga na mathiga. Ûguo nîguo mûkaathiria wîvia gatagatîrî kenyu; nao andû onthe a Isiraeli megua ûguo nîmagetigîra.

1Sam 28:3

Vîndî îo Samueli aarî mûkuû, na andû onthe a Isiraeli makamûrîrîre na makamûthika îtûûrarî rîake rîa Rama. Nake Saûlo nîwavinyûrîtie ago onthe na oni maûndû makauma Isiraeli.