Alawi 20:26 - ÎVUKU RÎA ÛVORO MWARO

²⁶ Mue mûrî akwa na mûkethagîrwa mûrî atheru nîûndû Nie, Ngai-Mûnene nîrî mûtheru. Nîmûthuurîte kuuma gatagatî ka ndûrîrî irîa ciîngî nîguo mûtuîke akwa kîûmbe.

Alawi 20:26 ပူးပေါင်းရင်းမြစ်များ

Nehemia 10:29

Nîmaanyitanîre na andû ao a Isiraeli, na atongoria ao mumarî ûcio, ûrîa warî ûgwatie mûndû kîrumi angîuna. Nîmeranîre atî makathîkagîra Watho wa Ngai, ûrîa Ngai aavecanire na njîra ya Musa ndungata yake. Nîmaaugire atî makaathîkagîra na mekage ûrîa maathani monthe ma Ngai-Mûnene, mwathi wetû maugîte wa vamwe na mawatho make.

Thaburi 99:5

Kumiani Ngai-Mûnene, Ngai wetû, Mûgooceni mûrî mbere ya gîtî gîake Kîam ûthamaki! Ke nî mûtheru!

Thaburi 99:9

Kumiani Ngai-Mûnene Ngai wetû, mûgooceni mûrî kîrîmarî gîake kîtheru! Nîûndû Ngai-Mûnene Ngai wetû nî mûtheru!

Ntha 33:16

Ethîrwa tîûthiîcania natue, andû mangîmenya atîa atî ûrîmûkenie nînie wana andû aku? Kûthiîcania natue nîkuo gûgatûma tûgîe na ngûrani gatagatî getû na andû acio engî onthe a nthî.”

Isaia 30:11

Umani njîrarî na mûtige gûtûvîngîca, tûtikwenda kwîgua rîngî Ûrîa Mûtheru wa Isiraeli akîgwetwa.’ ”

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Alawi 11:44

Nie nînie Ngai-Mûnene, Ngai wenyu na nwanginya mwîkare mûrî atheru nîûndû nîrî mûtheru.

Alawi 19:2

“Îra andû onthe a Isiraeli atî methîrwe marî atheru nîûndû Nie Ngai-Mûnene, Ngai wenyu nîrî mûtheru.

Alawi 20:24

Nwatî nînîmwîrîrîte atî, nîngaamûva vûrûri wao mûûgae ûtuîke wenyu, vûrûri ûrî îriia na ûûkî. Nie nînie Ngai-Mûnene, Ngai wenyu na nîmûthuurîte kuuma gatagatî ka ndûrîrî irîa ciîngî.

Alawi 20:7

Kwoguo îkaragani mûrî atheru, nîûndû Nie nînie Ngai-Mûnene, Ngai wenyu.

Alawi 20:8

Vingagiani mawatho makwa, nîûndû Nie nînie Ngai-Mûnene ûrîa ûmûtheragia.”

Gûco 14:2

Mue mûrî andû atheru a Ngai-Mûnene Ngai wenyu, na amwamûrîte gatagatîrî ka mavûrûri marîa mengî monthe ma nthî nîguo mûtuîke andû ake kîûmbe.

Gûco 7:6

Mue mûrî rûrîrî rûtheru rwa Ngai-Mûnene, Ngai wenyu. Ngai-Mûnene, Ngai wenyu aamûthuurire gatagatîrî ka andû onthe a nthî mûtuîke andû ake kîûmbe.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Josh 24:19

Nwatî Joshua nîwerire andû a Isiraeli atîrî, “Mue nwa mûremwe nî gûtungatîra Ngai-Mûnene nîûndû ke nî Ngai Mûtheru na arî wîru. Ndakaamûrekera mevia menyu,

Kûguû 3:7

“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.

Kûguû 4:8

Wa kîûmbe gatagatîrî ka icio inya ciarî mwoyo Kîamrî na mathagu matandatû na nîgîecûrîte metho kûndû kuonthe nja na ndaarî. Ûtukû na mûthenya nî cinaga itagûtigithîria ikiugaga atîrî: “Mûtheru, Mûtheru, Mûtheru, nî Mwathani Ngai mwene vinya wonthe, ûrîa warî kuo, ûrî kuo, na ûgaaûka.”