Alawi 2:12 - ÎVUKU RÎA ÛVORO MWARO

¹² Nwa ûrutîre Ngai-Mûnene indo icio irî îtega rîa maketha maku ma mbere, nwatî itîkaavîvîrua îgûrû rîa metha ya kîgongoona.

Alawi 2:12 ပူးပေါင်းရင်းမြစ်များ

Kîam 23:17

Ûguo nîguo mûgûnda ûcio wa Efironi ûrîa warî Makipela, mwena wa îrathîro wa Mamure watuîkire wa Iburahimu. Mûgûnda ûcio warî na ngurunga na warî na mîtî wonthe.

2Maû 31:5

Rîrîa watho ûcio wakinyire kûrî andû a Isiraeli, nîmaarutire indo ciao nyîngî na njîra ya kwîyendera. Nîmaarutire maciaro ma mbere ma irio cia mîgûnda, ndivei, maguta, ûûkî na indo cionthe irîa maakûragia mîgûndarî yao. Nîmaarutire gîcunjî gîa îkûmi Kîam indo cionthe irîa maarî nacio.

Ntha 22:29

“Ndutagîra matega maku ma ngano, ndivei, na maguta ma ndamaiyû vîndî ya cio yakinya. “Mvecaga îrikithathi rîaku rîa anake.

Ntha 23:19

“Retageni nyombarî ya Ngai-Mûnene, Ngai wenyu maketha marîa maro ma mbere ma irio cia mîgûnda yenyu. “Ndûkaruge koori ka mbûri kana ka ng'ondu na îriia rîa ng'ina.

Ntha 34:22

“Ririkanaga kîrugo Kîam maketha vîndî îrîa mwambîrîria maketha ma ngano, na kîrugo gîa tûnyomba mwaka ûkîthira.

Alawi 23:10

“Vîndî îrîa mûgaakinya vûrûrirî ûrîa Nie Ngai-Mûnene ngûmûva na mûkethe maketha ma kuo, mûkaavirîra mûthînjîri-Ngai gîkûmbwa kîmwe kuuma kûrî maketha menyu ma mbere.

Alawi 23:17

Wa andû a nyomba îmwe nîmakaavira mîgate îîrî kuuma kûrîa matûûraga nîguo mûthînjîri-Ngai amîrutîre Ngai-Mûnene îrî kîveo Kîam mwanya. Wa mûgate ûkethîrwa ûrugîtwe na mûtu mûvinyu wa ûrito wa kilo igîrî ûrugîtwe na ûrî na ndawa ya kwimbia. Mûkaaûrutagîra Ngai-Mûnene rîrî îtega rîa maketha ma mbere.

Alawi 7:13

Vamwe na îtega rîu rîake rîa ngwatanîro nîûndû wa gûcokia ngatho, mûndû ûcio nîakaaruta mîgate îrî mîkîre ndawa ya kwimbia.

Ndari 15:20

Mwaruga mîgate, mûkaavecaga Ngai-Mûnene mûgate wa mbere kuuma maketharî ma irio cienyu cia mbere rîrî îtega.

Ndari 18:12

“Nînakûva matega monthe maro marîa andû a Isiraeli makaandutagîra wa mwaka. Namo nî: maguta ma ndamaiyû, ndivei na irio cia mîgûnda.

1Akor 15:20

Nwatî ûma nî atî Kristû nîariûkîtue na agatuîka kîonereria gîa atî arîa makuîte wa nao nîmakaariûkua.

Gûco 26:10

Kwoguo nînakûrutîra We, Ngai-Mûnene maketha ma mbere ma mûgûnda ûrîa ûmvete.’ “Nîûgaacoka wige gîkavu gîaku vau nthî mbere ya Ngai-Mûnene, Ngai waku na ûmûgooce.

Kûguû 14:4

Andû acio nî arîa mataanamenyana kîîmwîrî na aka; o nî athingu. Marûmagîrîra Gatûrûme kûrîa kuonthe akûthiî. Ngai nî amakûûrîte kuuma kûrî andû acio engî, na nîmaatuîkîte maciaro ma mbere kûvecanwa kûrî Ngai na kûrî Gatûrûme.