Alawi 19:30 - ÎVUKU RÎA ÛVORO MWARO

³⁰ Menyagîrîrani mîthenya yakwa ya thavatû, na mûtîîage vandû varîa ngoocagîrwa. Nie nînie Ngai-Mûnene.

Alawi 19:30 ပူးပေါင်းရင်းမြစ်များ

2Maû 33:7

Nîwocire mîvuanano îrîa aaumîtie na akîmiga hekarûrî, kûrîa Ngai eerîte Daudi na mûvîcî Solomoni atîrî, “Gûkû Jerusalemu, hekarûrî îno nîkuo nthuurîte gatagatî ka mîvîrîga yonthe ya Isiraeli nîguo ndûûre ngoocagîrwa kuo tene na tene.

2Maû 36:14

Athînjîri-Ngai na atongoria a andû a Juda nîmeekire maûndû macûku ma kûgooca ngai cia mîvuanano ta marîa meekagwa nî mavûrûri marîa mengî. Kwoguo nîmaagwatirie hekarû ya Ngai-Mûnene mûgiro, îrîa ke mwene aamûrîte kûu Jerusalemu.

Thaburi 89:7

We nîwîtigîrîtwe nî Kîamma Kîam arîa atheru, arîa onthe makûrigicîrîtie nîmagwîtigagîra mûno.

Ntha 20:8

“Menyagîrîra mûthenya wa thavatû na ûwamûrage.

Mûvunjia 5:1

Îîmenyagîrîre rîrîa ûkûthiî hekarûrî ya Ngai. Nîkava kûthiî kuo kûthikîrîria gûkîra kûruta magongoona ta ûrîa irimû ciîkaga, nîûndû irimû itimenyaga ngûrani ya ûndû mwaro na ûndû mûcûku.

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Alawi 15:31

“Ngai-Mûnene nîwerire Musa akaanie andû a Isiraeli gûkuvîvîria îgema rîa Ngai-Mûnene rîrîa rîarî gatagatîrî kao vîndî îrîa matarî atheru, nîûndû meka ûguo nîmagaakua nîûndû wa kûgwatia îgema rîa Ngai-Mûnene gîko.”

Alawi 16:2

Nîwamwîrire atîrî, “Îra mûrwanyûkwe Aroni ndagaûkage vandû varîa vatheru Mûno vuva wa gîtambaa wa rîrîa akwenda, nwatî aûkage vîndî îrîa mbagîrîru, nîûndû vau nîvo mbîthagîrwa nîrî îgûrû rîa gîkunîko Kîam îthandûkû rîa kîrîkanîro. Arega kûmbathîkîra nîagaakua.

Alawi 19:3

Mue muonthe, nwanginya wa mûndû atîîage îthe na ng'ina na nwanginya mûririkanageni mîthenya yakwa ya thavatû, wata ûrîa mbathanîte. Nie nînie Ngai-Mûnene, Ngai wenyu.

Alawi 26:2

Menyagîrîrani mîthenya yakwa ya thavatû na mûtîîage vandû varîa ngoocagîrwa. Nie nînie Ngai-Mûnene.

Mathaayo 21:13

Nake nîwamerire atîrî, “Ngai augîte Mandîkorî make matheru atîrî, ‘Nyomba yakwa îgeetagwa nyomba ya kûvoyagîrwa.’ Nwatî mue mûmîtuîte ngurunga ya acunani!”

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

1Pet 4:17

Îvinda nîrîkinyu rîa kwambîrîria îtuîro na andû a Ngai nîo makwambîrîria gûtuîrwa. Ethîrwa nîtue tûkwambîrîria gûtuîrwa rî, gûkaarîkîrîria atîa na arîa matetîkîtie Ûvoro Mwaro ûrîa umîte kûrî Ngai?