Alawi 19:3 - ÎVUKU RÎA ÛVORO MWARO

³ Mue muonthe, nwanginya wa mûndû atîîage îthe na ng'ina na nwanginya mûririkanageni mîthenya yakwa ya thavatû, wata ûrîa mbathanîte. Nie nînie Ngai-Mûnene, Ngai wenyu.

Alawi 19:3 ပူးပေါင်းရင်းမြစ်များ

Kîam 48:12

Josefu nîwathengutirie ciana icio kuuma ciaûrî cia Jakovu na akînamîrîria agîturumithia ûthiû wake vau mbere yake.

Nehemia 9:14

Nîwamathomithirie kûrûmagîrîra thavatû yaku ntheru, kûvîtûkîrîra Musa ndungata yaku nîwamaathire marûmagîrîre maathani maku.

Ntha 16:29

Menyani atî nie nînie Ngai-Mûnene, na nînîmûvete mûthenya wa kûvurûka. Kîu nîkîo gîtûmaga wa mûthenya wa gatandatû nîmûva irio mbîganu cia mîthenya îîrî. Mûthenya wa mûgwanja wa mûndû nîekarage gwake na ndakaumagare athiî kûndû.”

Ntha 20:12

“Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.

Ntha 20:8

“Menyagîrîra mûthenya wa thavatû na ûwamûrage.

Ntha 21:15

“Mûndû angîringa îthe kana ng'ina nwanginya akaaûragwa.

Ntha 21:17

“Mûndû angîruma îthe kana ng'ina nwanginya akaaûragwa.

Nthi 1:8

Mwana wakwa, thikagîrîria kîrîra Kîam aguo, ndûkaregane na ûrîa ûkûthomithua nî nyûkwe;

Nthi 23:22

Thikagîrîria aguo ûrîa wagûciarire, na ndûkanyarare nyûkwe vîndî îrîa agaakûra.

Nthi 30:11

Kûrî andû marumaga methe na maticokagia ngatho kûrî aa ng'ina.

Nthi 30:17

Mûndû ûrîa ûnyararaga îthe, na akarega kwathîkîra ng'ina, akaarîwa nî ikûngûrû na ndiiû.

Isaia 58:13

Ngai-Mûnene arauga atîrî, “Ûngîtiga kûruta wîra mûthenya wa thavatû, ûtige kûrûmîrîra maûndû ma gwîkenia we mwene mûthenya wakwa mwamûre, ûtucage thavatû mûthenya wa gûkena na mûthenya wa Ngai-Mûnene wa kûvewa gîtîîo, ûvecage mûthenya ûcio gîtîîo, na ûtige kûthiîcaga njîra ciaku, na ûtige gûcaragia maûndû ma gwîkenia kana kwaragia ndeto itarî na kîguni,

Ezek 20:12

Makîria ma ûguo, nînaamavere mîthenya yakwa ya thavatû îtuîke kîmenyithia gatagatî gakwa nao nîguo mamenye atî nie Ngai-Mûnene nînie nîmatheragia.

Alawi 11:44

Nie nînie Ngai-Mûnene, Ngai wenyu na nwanginya mwîkare mûrî atheru nîûndû nîrî mûtheru.

Alawi 19:25

Nwatî mwakarî wa gatano, nwa mûrîe matunda marîa magaaciarwa. Mweka maûndû mau monthe, mîtî yenyu nîgaaciara matunda meengî makîria. Nie nînie Ngai-Mûnene, Ngai wenyu.

Alawi 19:30

Menyagîrîrani mîthenya yakwa ya thavatû, na mûtîîage vandû varîa ngoocagîrwa. Nie nînie Ngai-Mûnene.

Alawi 19:31

“Mûtikathiî kûria ûtethio kûrî ago kana oni maûndû. Mweka ûguo, nî mûkaagwatua mîgiro nî o. Nie nînie Ngai-Mûnene, Ngai wenyu.

Alawi 19:34

Îkagani ageni arîa mûtûûranagia nao wata ûrîa mwîkaga Aisiraeli arîa engî na mûmendage wata ûrîa mwîyendete. Ririkanani vîndî îmwe mwarî ageni vûrûrirî wa Misiri. Nie nînie Ngai-Mûnene, Ngai wenyu.

Alawi 23:3

Mûrî na mîthenya îtandatû îrîa mûkaarutaga wîra, nwatî mûthenya wa mûgwanja, mûthenya wa thavatû, nî mûthenya wa kûvurûka. Mûtiagîrîrwe nî kûruta wîra mûthenya ûcio, nwatî mûgomanage vamwe nîûndû wa kûgooca. Thavatû nî yakwa, na mûkaamîmenyagîrîra mûrî wa kûrîa mûkethagîrwa mûrî.

Alawi 26:2

Menyagîrîrani mîthenya yakwa ya thavatû na mûtîîage vandû varîa ngoocagîrwa. Nie nînie Ngai-Mûnene.

Malaki 1:6

Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’

Gûco 27:16

“ ‘Kûnyitwa nî kîrumi nî mûndû ûrîa ûtatîîaga îthe kana ng'ina.’ “Nao andû onthe nîmakaauga, ‘Ameni!’

Gûco 5:16

Tîîa aguo na nyûkwe wata ûrîa Ngai-Mûnene, Ngai waku akwathîte wîkage. Weka ûguo maûndû maku nîmakûvua na nîûgûtûûra vîndî ndaca vûrûrirî ûrîa Ngai-Mûnene, Ngai waku agûkûva.

Ahib 12:9

Methe metû ma gûkû nthî nîmaatûverithirie na tûkîmava gîtîîo. Kwoguo nîtwagîrîrwe kwathîkîra Vava wa kîîroho mûno makîria nîguo tûtûûre!