Alawi 19:26 - ÎVUKU RÎA ÛVORO MWARO

²⁶ “Mûtikarîe nyama irî na nthakame na mûtikaragûrie kana mûragûrîrwe.

Alawi 19:26 ပူးပေါင်းရင်းမြစ်များ

Kîam 44:5

Nîndûî gîtûmire mwîe gîkombe gîa sîlûva Kîam mûnene wakwa na nîkîo aragûraga nakîo? Ûguo mwîkire nî naaî mûno!’ ”

Kîam 9:4

Kîndû kîrîa tu mûtakaarîcaga nî nyamû îrîa yonthe yûragîtwe îtagwîtûrûra nthakame nîûndû mwoyo wayo ûrî nthakamerî.

2Atha 17:17

Nîmaarutire ciana ciao cia anake na cia erîtu kûrî ngai cia maveeni, irî matega ma kûvîvua. Nîmaathiîcaga kwa ago na arogi. Nîmeerutîrîte viû gwîka maûndû marîa mataakenagia Ngai-Mûnene, na ûguo nîguo maarakaririe Ngai-Mûnene.

2Atha 21:6

Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.

2Maû 33:6

Nîwarutire anake ake marî îgongoona rîa kûvîvua Kîamndarî Kîam mûvîcî wa Hinomu. Nîwarûthire maûndû ma ûragûri, kûringa mbûgû, kûringa ciama na nîwaranagîria na oni maûndû na arogi. Nîwekire maûndû macûku mbere ya Ngai-Mûnene na agîtûma arakare.

Ntha 7:11

Nake mûthamaki nîwetire andû ake arîa aûgî na aringi ciama. Nao nîmaaringire ciama wata Aroni.

Ntha 8:7

Nwatî andû arîa maringaga ciama nîmaaringire ciama wa nao na magîtûma ciûra igîe kûu vûrûrirî wa Misiri.

Jeremia 10:2

Ngai-Mûnene arauga atîrî, “Mûtikarûmîrîre mîthiîre ya mavûrûri marîa mengî, na mûtikamakue nî marûûri ma îgûrû, nîûndû mavûrûri marîa mengî nîmaramakua nîmo.

Danieli 2:10

Nao Akalidei acio nîmaamûcokerie atîrî, “Gûtirî mûndû gûkû nthî kuonthe mûthamaki wetû, ûngîvota kûvingia maûndû marîa ûrenda. Gûtirî Mûthamaki mûnene na wî vinya, wanaûria ago, aringi mbûgû, aringi ciama na arogi kana Akalidei maûndû ta mama.

Alawi 19:25

Nwatî mwakarî wa gatano, nwa mûrîe matunda marîa magaaciarwa. Mweka maûndû mau monthe, mîtî yenyu nîgaaciara matunda meengî makîria. Nie nînie Ngai-Mûnene, Ngai wenyu.

Alawi 3:17

Watho ûyû nî ûtûûra ûrûmagîrîrwa nî njiarwa cia Isiraeli, atî gûtirî Mûisiraeli ûkaarîa mathunya kana anyue nthakame kûrîa kuonthe magaatûûra.

Alawi 7:26

Kûrîa kuonthe mûtûûraga, mûtiagîrîrwe nî kûnyua nthakame wa yonthe îrî ya gîconi kana ya nyamû.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

Gûco 12:16

Nwatî mûtikarîe nthakame. Mîtûrûrageni nthî ta manjî.

Gûco 12:23

Menyererani mûtikarîe nthakame nîûndû mwoyo wîthagîrwa ûrî nthakamerî, na mûtikarîcanîrie mwoyo na nyama.

Gûco 15:23

Nwatî mûtikarîe nthakame ya cio, vandû va ûguo mîtûrûrageni nthî ta manjî.

1Sam 14:32

Kwoguo nîmaateng'erere ng'ondu na ng'ombe irîa maatavîte kuuma kûrî nthû ciao, makîithînjîra vau nthî na makîrîa nyama irî na nthakame.

1Sam 14:33

Nake mûndû ûmwe nîwerire Saûlo atîrî, “Ta roria, andû nîmareka wîvia kûrî Ngai-Mûnene makîrîa nyama irî na nthakame.” Nake Saûlo nîwaugire atîrî, “Mue mûrî aunu watho. Vingiritiani îthiga rînene mûndetere ava.”

1Sam 15:23

Kûregana na Ngai-Mûnene kwîganene na wîvia wa ûragûri, naruo rûng'athio nî wîvia wîganene na wîvia wa kûvoya mûvuanano. Nîûndû nîwaregire gwîka ûrîa Ngai-Mûnene aakwîrire wîke, wanake nîaregete ûtuîka mûthamaki.”