Alawi 19:25 - ÎVUKU RÎA ÛVORO MWARO

²⁵ Nwatî mwakarî wa gatano, nwa mûrîe matunda marîa magaaciarwa. Mweka maûndû mau monthe, mîtî yenyu nîgaaciara matunda meengî makîria. Nie nînie Ngai-Mûnene, Ngai wenyu.

Alawi 19:25 ပူးပေါင်းရင်းမြစ်များ

Alawi 19:10

Mûtigacokage mîgûndarî yenyu ya mîthavibu kûngania thavibu irîa ikethîrwa itigarîte, na mûtikaûnganagie thavibu irîa igûcaga, mûgaaitigaga nîguo andû arîa matarî na irio cia kwîgana vamwe na ageni arîa mûtûûranagia nao maûnganagie. Nie nînie Ngai-Mûnene, Ngai wenyu.

Alawi 19:24

Mwakarî wa kana mûkaanyamûrîra matunda monthe ma mîtî îo rîrî îtega rîa kûnjokeria ngatho.

Alawi 19:26

“Mûtikarîe nyama irî na nthakame na mûtikaragûrie kana mûragûrîrwe.

Alawi 19:3

Mue muonthe, nwanginya wa mûndû atîîage îthe na ng'ina na nwanginya mûririkanageni mîthenya yakwa ya thavatû, wata ûrîa mbathanîte. Nie nînie Ngai-Mûnene, Ngai wenyu.

Alawi 19:4

“Mûtikandiganîrie na mûgooce mîvuanano, kana mwîrûthîre ngai cia gûtwekua na mwaki. Nie nînie Ngai-Mûnene, Ngai wenyu.

Alawi 23:14

Mûtiagîrîrwe nî kûrîa ngano irî mbîthî kana irî mvîvie, wana kana irugîtwe mîgate, nginya rîrîa mûkaaruta îtega rîu kûrî Ngai-Mûnene. Watho ûyû nîûtûûra ûrûmagîrîrwa tene na tene nî njiarwa cienyu cionthe kûrîa mûtûûraga.