Alawi 19:19 - ÎVUKU RÎA ÛVORO MWARO

¹⁹ “Athîkagîrani mawatho makwa. Mûtigatûme nyamû irîa mûrîthagia iciarane itarî cia kîruka kîmwe. Mûtikavande mîthemba îîrî ya mbeû mûgûndarî ûmwe. Mûtigekîre nguo îtumîtwe na itambaa cia mîthemba îîrî.

Alawi 19:19 ပူးပေါင်းရင်းမြစ်များ

Kîam 36:24

Zibeoni aarî na avîcî aîrî, nao nî: Aia na Ana. (Ûyû nî Ana ûrîa wonire kûndû kûrîa kûtherûkaga manjî mama maviû werûrî akîrîthia mvunda cia îthe Zibeoni.)

2Sam 13:29

Kwoguo ndungata cia Abusalomu nîciekire wata ûrîa Abusalomu aaciathîte na nîciaûragire Aamoni. Nao anake acio engî onthe a mûthamaki Daudi nîmaatûîre mvunda ciao na makîûra.

2Sam 18:9

Wa rîmwe Abusalomu atûîte mbarathi yake nîwatûnganire na ndungata imwe cia Daudi. Mbarathi îo nîyavîtûkîrîre rungu rwa mvûa cia mûtî wa mûvuru. Kîongo Kîam Abusalomu nîkîabatîîre gatagatî ka mvûa cia mûtî ûcio. Mbarathi îrîa yamûkuîte nîyathiîre na mbere kûvinyûra nake Abusalomu agîtigwa acurîte mvûarî.

1Atha 1:33

Mûthamaki nîwamerire atîrî, “Thiîni na ndungata ciakwa, na mwîkarîrie Solomoni îgûrû rîa nyûmbû yakwa nie mwene, mûcoke mûmumagarie anyûrûrûke nginya Gihoni.

Ezira 2:66

Mbarathi nacio ciarî magana mûgwanja ma mîrongo îthatû na atandatû (736) na nyûmbû ciarî magana maîrî ma mîrongo ina na ithano (245)

Alawi 18:4

Menyagîrîrani mawatho makwa na mwîkage ûrîa maugîte. Nie nînie Ngai-Mûnene, Ngai wenyu.

Alawi 19:37

Menyagîrîrani mawatho makwa monthe na irîra ciakwa cionthe. Nie nînie Ngai-Mûnene.”

Alawi 20:8

Vingagiani mawatho makwa, nîûndû Nie nînie Ngai-Mûnene ûrîa ûmûtheragia.”

Alawi 22:31

Ngai-Mûnene nîwaugire atîrî, “Menyagîrîrani Maathani makwa. Nie nînie Ngai-Mûnene.

Alawi 25:18

“Vingagiani Maathani makwa na irîra ciakwa, nîguo mûtûûre vûrûrirî mûrî na thayû.

Luka 5:36

Wana rîngî Jesû nîwamerire na ngerekano atîrî, “Gûtirî mûndû ûtinagia kîraka kuuma nguorî îno njerû akînagîtumîrîra nguorî îno ngûrû. Mûndû ûcio angîka ûguo, nwa atembûre nguo îo njerû na kîraka kîu kîrege gwocana na nguo îo ngûrû.

Aroma 11:6

Ngai aamathuurire nîûndû wa wega wake nwa tî ûndû wa ciîko ciao. Nîûndû ethîrwa aamathuurîte nî ûndû wa ciîko ciao, wega ûcio wake ndûngîthîrwa ûrî wa ma.

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

Gûco 4:5

“Nie nînîmûthomithîtie mawatho monthe na matuîro ma ciira, wata ûrîa Ngai-Mûnene, Ngai wakwa aambathire mbîke. Mûkaavingagia mawatho mau mûrî vûrûrirî ûrîa mûgûtonya mwîgwatîre ûtuîke wenyu.