Alawi 19:17 - ÎVUKU RÎA ÛVORO MWARO

¹⁷ “Mûtikamenane na andû arîa engî, nwatî îgucanagani nîguo mûtikevie.

Alawi 19:17 ပူးပေါင်းရင်းမြစ်များ

Kîam 27:41

Esaû nîwamenire Jakovu nîûndû wa kûrathimwa nî îthe. Esaû nîweîrire atîrî, “Îvinda rîa gûcakaya nîûndû wa vava rîrî vakuvî. Vîndî îo nîrîo ngaaûraga mûrwaiya Jakovu.”

2Sam 13:22

Nake Abusalomu nîwamenire Amunoni mûno nîûndû wa kûnyita mwarwang'ina Tamarû na vinya na ndaacoka kwarîria Amunoni rîngî.

Nehemia 13:17

Nînacokire ngîkararania na atongoria a Juda na ngîmeera atîrî, “Taroria maûndû marîa macûku mûreka! Mue nîmûratûma thavatû îthîrwe îtarî ntheru.

Thaburi 141:5

Mûndû mûthingu nwa amverithie kana akangania arî na wendo mwîngî, nwatî ndingîtîkîra gûkumua nî andû arîa aganu, nîûndû vîndî cionthe mvoyaga matigane na ciîko ciao cia waganu.

Nthi 9:8

Kwoguo ndûkarute mûndû mwîtîi mavîtia, nîûndû nîagaakûmena. Nwatî ruta mûndû mûûgî mavîtia, nake nîagaakwenda.

Luka 17:3

Kwoguo menyagîrîrani ciîko cienyu! “Mûrwanyûkwe angîkûvîtîria mûkanie, na angîkûverera mwovere.

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

1Akor 5:2

Na mue nîmwîtîîaga! Vandû va gwîtîîa mwagîrîrwe nî gwîcûrwa nî kîeva na mwîngate mûndû ûcio wîkîte gîîko kîu aume gatagatîrî kenyu.

Agal 6:1

Ariû na aarî a îthe wetû, mûndû ûmwe wa gîkundi kîenyu angîka ûndû mûcûku, mue arîa matongoragua nî Roho nîmwagîrîrwe nîkûmûrûnga na njîra ya thayû. Îîmenyagîrîreni mue ene nîguo mûtikagwe mageriorî.

Aefeso 5:11

Tigagani kûgwatanîra na andû arîa mekaga maûndû marîa matarî vata na mekagîrwa ndumarî. Vandû va ûguo, tigagani maûndû mau mamenyekanage nî andû.

1Tim 5:20

Andû arîa mekaga mevia magîrîrwe nî gûkaanua marî mbere ya andû onthe nîguo andû arîa engî metigîre.

1Tim 5:22

Ndûkanaigîrîre mûndû wana ûrîkû njara na karûgî atî nîguo atuîke ndungata ya Ngai. Ndûkagwatanîre na mevia ma mûndû wîngî, îkaraga ûrî mûtheru.

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

Tito 1:13

Arathi maarîtie ûvoro wa ma. Kwoguo nwa nginya ûmakaanie na vinya mûno nîguo magîe na wîtîkio mûkinyanîru,

Tito 2:15

Thomithagia andû maûndû mama, makanagie na ûmekagîre vinya ûgîtûmagîra wathani waku. Ndûkanareke mûndû wana ûrî kû akwire.

1Joh 2:11

Nwatî mûndû wa wonthe ûmenete mûrwang'ina, kana mwarwang'ina ethagîrwa arî ndumarî. Ke athiîcagîra ndumarî na ndamenyaga kûrîa athiîte nîûndû nduma nî îmûtete metho.

1Joh 2:9

Mûndû wa wonthe ugaga atî ke arî ûtherirî na nîamenaga aa mwarwang'ina na aa mûrwang'ina, ethagîrwa arî ndumarî wata mbere.