Alawi 19:15 - ÎVUKU RÎA ÛVORO MWARO

¹⁵ “Tuithanagiani maciira na kîvooto; mûtikonanie kîmenyano kûrî athîni kana mwîtigagîre itonga, nwatî tucagîrani andû arîa engî ciira na kîvooto.

Alawi 19:15 ပူးပေါင်းရင်းမြစ်များ

Ayubu 13:8

Mûrenda kwonania kîmenyano kûrî Ngai, nîmûkûmûcirîrîra îgootirî?

Ayubu 32:21

Nie ndikonania kîmenyano kûrî mûndû wanarî ûrîkû, kana nyûrûria mûndû.

Ayubu 34:19

Ndonanagia kîmenyano kûrî anene, ndarûmbûyanagia na itonga gûkîra athîni, nîûndû onthe maûmbirwe nîke.

Thaburi 82:2

“Nî mûthiî na mbere gûtucanîra ciira vatarî kîvooto nginya rî, mûkîonanagie kîmenyano kûrî andû arîa aganu.

Ntha 18:21

Nwatî îgûrû rîa maûndû mau monthe thuura andû gatagatî ka andû aya onthe. Ûthuure arûme arîa marî na ûvoti, na metigîrîte Ngai, evokeku na andû mathûrîte mavaki. Andû acio matue atongoria a andû. Amwe matongoragie ikundi cia andû ngiri, engî magana, na engî ikundi cia andû mîrongo îtano na engî makûmi.

Nthi 18:5

Tî waro kwonia mûndû mwaganu kîmenyano, na tî waro kwima mûndû mwîvokeku kîvooto.

Nthi 24:23

Ino wana cio nî ciugo cia andû arîa aûgî: Tî waro gûtwithania ciira na kîmenyano.

Nthi 31:9

Maragîrîrie na ûtwithanagie ciira na kîvooto, menyagîrîra ivooto cia arîa athîni na arîa marî na ûvatari.”

Alawi 19:35

“Mûtikaveenanie na njîra ya gûtûmîra ithimi irîa itagîrîrîte rîrîa mûkûthima ûraca, ûrito, kana wîngî.

Johana 7:24

Tigani gûtucanagîra ciira kûringana na ûrîa maûndû monekaga mekariî, nwatî tucanagîrani ciira kûringana na ivooto.”

Ciîko 23:3

Nake Paûlo nîwerire Anania atîrî, “Wa nawe Ngai nwanginya akûviûkie. We wîkariî ta rûthingo rûrî rûvake rangi njerû. Wîkarîte vau nîguo ûnduîre kûringana na watho, nwatî we nîkwa ûrauna watho na njîra ya kûmeera mamviûkie rûvî!”

Gûco 1:17

Mûtikathurûkanagie andû rîrîa mûkûmatuîra ciira. Thikagîrîriani ciira wa itonga na athîni ûndû ûmwe. Mûtigetigagîre mûndû, nîûndû îtua rîenyu nîrîo îtua rîa Ngai. Ciira ûrîa mûkaaremagwa nî gûtuithania, mûkaandetagîre ngaûtuithania.’

Gûco 10:17

Nîûndû Ngai-Mûnene Ngai wenyu, nîke Ngai wa ngai irîa ciîngî, na Mwathani wa athani. Ke nî mûnene, arî vinya na nîwagîrîrwe nî gwîtigîrwa. Ke ndacagûranagia na ndamûkagîra mavaki.

Gûco 16:19

Matiagîrîrwe nî kûregana na kîvooto kana marûtha kîmenyano, na matiagîrîrwe nî kwamûkîra îvaki, nîûndû îvaki rîtucaga mûndû mûûgî kîrimû akaremwa nî gûtua îtua ûrîa kwagîrîrîte.

Gûco 27:19

“ ‘Kûnyitwa nî kîrumi nî mûndû ûrîa ûcunaga ageni, ciana cia ndigwa, na aka a ndigwa kîvooto.’ “Nao andû onthe nîmakaauga, ‘Ameni!’