Alawi 18:27 - ÎVUKU RÎA ÛVORO MWARO

²⁷ Andû arîa maatûûraga vûrûrirî ûcio mbere nîmeekire maûndû macûku na magîtûma vûrûri ûcio ûgîe gîko, nwatî mue mûtigeke maûndû mau.

Alawi 18:27 ပူးပေါင်းရင်းမြစ်များ

1Atha 14:24

Wana kwarî na arûme maarutagîra wîra wa ûmaraa kûrîa kwagoocagîrwa ngai cia mîvuanano. Andû a Juda meekaga maûndû monthe ma ûûra nthoni marîa meekagwa nî andû arîa Ngai-Mûnene eengatire kuuma vûrûrirî ûcio mbere ya andû a Isiraeli matonya kuo.

2Atha 16:3

Nwatî eekire maûndû ta marîa meekagwa nî athamaki a Isiraeli. Wana nwa warutire mûvîcî arî îgongoona rîa îtega rîa kûvîvua kûrî mûvuanano, wata ûrîa andû a mavûrûri marîa Ngai-Mûnene eengataga maume vûrûrirî ûrîa andû a Isiraeli maatonyaga meekaga. Ûndû ûcio warî mûcûku mûno.

2Atha 21:2

Manase nîwekire maûndû marîa mataakenagia Ngai-Mûnene, na kûrûmîrîra maûndû marîa meekagwa nî andû a mavûrûri marîa Ngai-Mûnene engataga, nao andû a Isiraeli magîtonyaga kuo.

2Maû 36:14

Athînjîri-Ngai na atongoria a andû a Juda nîmeekire maûndû macûku ma kûgooca ngai cia mîvuanano ta marîa meekagwa nî mavûrûri marîa mengî. Kwoguo nîmaagwatirie hekarû ya Ngai-Mûnene mûgiro, îrîa ke mwene aamûrîte kûu Jerusalemu.

Ezek 16:50

Maarî a mwîyambo na nîmeekaga maûndû macûku marî mbere yakwa, kwoguo nînaamathiririe wata ûrîa noonire kwagîrîrîte.

Ezek 22:11

Amwe nîmekaga maûndû ma waga nthoni na aka a andû arîa mariganîtie nao, na engî mageka maûndû ma ûtharia na aka a avîcî ao. Andû engî gatagatîrî kenyu nîmekaga maûndû ma ûtharia na aa mwarwang'ina.

Hosea 9:10

Ngai-Mûnene arauga atîrî: “Rîrîa nacemanirie na andû a Isiraeli, mekariî ta mûthavibu ûrî werûrî. Rîrîa nonire atongoria enyu, mekariî ta matunda ma mbere ma mûkûyû. Nwatî wa rîmwe maakinya kûu Baali-peori, nîmeyamûrire na makîambîrîria kûgooca Baali, maagîre na mûgiro wata kîndû kîu mendete.

Alawi 18:24

“Mûtigecûkangie na ûndû wanarî ûmwe wa mama, nîûndû andû a ndûrîrî, na nîo nîrengata nîguo mûthiî mûgatûûre kuo, meecûkangirie na maûndû mama.

Alawi 18:26

Mue andû a Isiraeli muonthe vamwe na ageni arîa mûtûûranagia nao, nwanginya mûrûmagîrîre mawatho ma Ngai-Mûnene na mwîkage ûrîa maugîte.

Alawi 18:28

Mweka ûguo vûrûri ûcio nîûkaamûtavîka ta ûrîa watavîkire andû a ndûrîrî arîa maatûûraga kuo mbere yenyu.

Gûco 20:18

Mwarega kûmaûraga, nîmakaamûthomithia mîtugo mîcûku ya kûvoya ngai ciao cia mîvuanano, na mwîthîrwe mwîkîte mevia mbere ya Ngai-Mûnene Ngai wenyu.

Gûco 23:18

Mûtikanavire nyombarî ya Ngai kîrîa kîonekete kuumana na wîra wa ûmaraa, ûrî wa aka kana ûrî wa arûme, kîrî gîa kûrîva kîrîa wîranîrîte na mwîvîtwa. Ngai-Mûnene Ngai wenyu nîathûrîte ciîko icio wa cioîrî.

Gûco 25:16

Ngai-Mûnene, Ngai wenyu nîathûrîte andû onthe arîa matarî evokeku.

Gûco 27:15

“ ‘Kûnyitwa nî kîrumi nî mûndû ûrîa ûkaarûtha ngai ya mûvuanano na akamîgoocaga na nthitho. Ngai-Mûnene nîathûrîte ûgooci wa mîvuanano.’ “Nao andû onthe nîmakaauga, ‘Ameni!’