Alawi 18:22 - ÎVUKU RÎA ÛVORO MWARO

²² Gûtirî mûndûmûrûme ûkaamenyana kîîmwîrî na mûndûmûrûme ûrîa wîngî ta ûrîa amenyanaga kîîmwîrî na mûndûmûka, nîûndû ûcio nî ûndû mûcûku.

Alawi 18:22 ပူးပေါင်းရင်းမြစ်များ

Kîam 19:5

Nao nîmeetire Loti na makîmûria atîrî, “Arûme arîa maûkire gwîkara nawe ûmûnthî ûtukû marî kû? Marute na gûkû nja nîguo tûmenyane nao kîîmwîrî!”

1Atha 14:24

Wana kwarî na arûme maarutagîra wîra wa ûmaraa kûrîa kwagoocagîrwa ngai cia mîvuanano. Andû a Juda meekaga maûndû monthe ma ûûra nthoni marîa meekagwa nî andû arîa Ngai-Mûnene eengatire kuuma vûrûrirî ûcio mbere ya andû a Isiraeli matonya kuo.

Alawi 20:13

Mûndûmûrûme angîkaamenyana kîîmwîrî na mûndûmûrûme wîngî, andû acio oîrî makethîrwa mekîte ûndû mûcûku, nao oîrî nîmakaaûragwa. Ikuû ciao ikaaumana na gîîko Kîamo o ene.

1Akor 6:9

Mue nîmwicî atî andû arîa aganu matikaagaîrwa ûthamaki wa Ngai. Mûtikeveenie; andû arîa mavûûraga ûmaraa kana mavoyaga mîvuanano kana matharagia, kana arûme arîa mamenyanaga kîîmwîrî na arûme arîa engî,

Gûco 23:18

Mûtikanavire nyombarî ya Ngai kîrîa kîonekete kuumana na wîra wa ûmaraa, ûrî wa aka kana ûrî wa arûme, kîrî gîa kûrîva kîrîa wîranîrîte na mwîvîtwa. Ngai-Mûnene Ngai wenyu nîathûrîte ciîko icio wa cioîrî.

1Tim 1:10

Watho watuirwe nî ûndû wa imaramari, arûme arîa mamenyanaga kîîmwîrî na arûme arîa engî, andû arîa mendagia andû arîa engî, arîa maveenanagia na makaruta ûira wa maveeni kana andû arîa mekaga maûndû marîa mataringanîte na kîrîra kîrîa Kîam ma.

Juda 1:7

Taririkanani andû a matûûra ma Sodomu na Gomora na a matûûra marîa maariganîtie namo. Andû a kuo meekire wa ta araika acio. O meekire maûndû ma ûmaraa na makîrirîria kûmenyana kîîmwîrî na njîra irîa ireganîte na watho. Nao nîmaverithagua na mwaki wa tene na tene nîguo matuîke kîonereria kûrî andû onthe.

Atir 19:22

Vîndî wa îo maakenaga, wa rîmwe gîkundi Kîam andû marî na mîtugo mîcûku maumîte îtûûrarî nîmaathiûrûrûkîrie nyomba îo na makîambîrîria kûrumia mûrango makîraga mûthuuri ûcio atîrî, “Ruta mûndû ûcio mûkire nake na gûkû nja! Tûrenda kûmenyana nake kîîmwîrî na vinya!”