Alawi 18:20 - ÎVUKU RÎA ÛVORO MWARO

²⁰ Mûtikamenyane kîîmwîrî na mûka wa mûndû wîngî; ûndû ûcio nwa ûtûme we wîthîrwe ûtarî mûtheru.

Alawi 18:20 ပူးပေါင်းရင်းမြစ်များ

2Sam 11:27

Rîrîa îvinda rîa macakaya rîathirire, Daudi nîwatûmanire Bathisheba agîrûe na avirwe kwa Daudi mûciî. Bathisheba nîwatuîkire mûndûmûka wa Daudi na nîwamûciarîre kavîcî. Nwatî Ngai-Mûnene ndaakenua nî ûguo Daudi eekîte.

Ntha 20:14

“Ndûgeke ûndû wa ûtharia.

Nthi 6:25

Ndûkerirîrie ûthaka wake, na akûveneria na metho make ndûkamûrûmîrîre.

Ezek 18:6

wana ndarîcaga irio cia magongoona irîa irutîrîtwe mîvuanano ya andû a Isiraeli irîmarî kana amîgooca, kana aveenererie mûka wa mûndû ûrîa mariganîtie nake, kana amenyane kîîmwîrî na mûndûmûka îvinda rîake rîa mweri,

Alawi 20:10

Mûndûmûrûme angîkaamenyana kîîmwîrî na mûka wa mûndû ûrîa wîngî, mûndûmûrûme ûcio wana mûndûmûka ûcio nîmakaaûragwa.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Ndari 5:13

na kwoguo amenyane kîîmwîrî na mûndûmûrûme wîngî na mûrûme ndamenye nîûndû eekire wîvia ûcio na nthitho, ethagîrwa arî na gîko wana ethîrwa gûtirî mûndû wamwonire.

Aroma 2:22

Wîraga andû arîa engî, “Mûtikaatharie,” nwatî we mwene nîûtharagia? We nîûmenete mîvuanano, nwatî nîwîaga indo cia hekarû.

1Akor 6:9

Mue nîmwicî atî andû arîa aganu matikaagaîrwa ûthamaki wa Ngai. Mûtikeveenie; andû arîa mavûûraga ûmaraa kana mavoyaga mîvuanano kana matharagia, kana arûme arîa mamenyanaga kîîmwîrî na arûme arîa engî,

Agal 5:19

Maûndû marîa macûku mekagwa nî mwîrî nîmeyonanîtie, namo nî: ûtharia, gwîka ciîko njûku na cia ûûra nthoni,

Gûco 22:22

“Mûndûmûrûme angîkaanyitwa akîmenyana kîîmwîrî na mûka wa mûndû wîngî, wa oîrî nîmakaaûragwa. Ûguo nîguo mûkaathiria wîvia ûcio gatagatîrî kenyu.

Gûco 22:25

“Nwatî ethîrwa mûndûmûrûme nwa acemanie na mwîrîtu mwîrîre atî nîakûvikua na amûmenye kîîmwîrî na vinya, mûndûmûrûme ûcio wîkîte ûguo nîke ûkaaûragwa wenga.

Gûco 5:18

“ ‘Ndûkatharanie.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.