Alawi 18:19 - ÎVUKU RÎA ÛVORO MWARO

¹⁹ “Mûtikamenyane kîîmwîrî na mûndûmûka vîndî îrîa arî îvindarî rîake rîa mweri, nîûndû vîndî îo ndethagîrwa arî mûtheru.

Alawi 18:19 ပူးပေါင်းရင်းမြစ်များ

2Sam 11:4

Daudi nîwatûmire anjaama mathiî makagîre Bathisheba, na mamûrete kûrî ke. Daudi nîwamenyanire nake kîîmwîrî. (Nake Bathisheba aarî wa vîndî arîkia îvinda rîake rîa kwîtheria wata ûrîa eekaga wa mweri). Bathisheba nîwacokire akînûka kwao mûciî.

Ezek 18:6

wana ndarîcaga irio cia magongoona irîa irutîrîtwe mîvuanano ya andû a Isiraeli irîmarî kana amîgooca, kana aveenererie mûka wa mûndû ûrîa mariganîtie nake, kana amenyane kîîmwîrî na mûndûmûka îvinda rîake rîa mweri,

Ezek 22:10

Gwaku kûrî arûme amwe mamamaga na aka a methe mao, na kûrî nao manyitaga aka rîrîa marî îvindarî rîao rîa mweri.

Alawi 12:2

“Îra andû a Isiraeli atî: Mûndûmûka angîkaagîa îvu na aciare kaana ga kavîcî, nîakethîrwa arî na gîko îvinda rîa mîthenya mûgwanja wata ûrîa ethagîrwa ekariî vîndî îrîa arî îvindarî rîake rîa mweri.

Alawi 15:19

“Rîrîa mûndûmûka arî îvindarî rîake rîa mweri, akethagîrwa atarî mûtheru îvinda rîa mîthenya mûgwanja.

Alawi 15:24

Mûndûmûrûme angîmenyana kîîmwîrî na mûndûmûka vîndî îrîa mûndûmûka ûcio arî îvindarî rîake rîa mweri, mûndûmûrûme ûcio nîakaanyitwa nî gîko, na nîagekara atarî mûtheru îvinda rîa mîthenya mûgwanja, naguo ûrîrî wa wonthe akaamamîra nîûkethîrwa ûtarî mûtheru.

Alawi 18:18

Mûtikavikie aa mwarwang'ina na aka enyu îvinda rîrîa rîonthe aka enyu marî mwoyo.

Alawi 20:18

Mûndûmûrûme angîkaamenyana kîîmwîrî na mûndûmûka vîndî îrîa mûndûmûka ûcio arî îvindarî rîake rîa mweri, andû acio wa oîrî nîmakaamûranua na andû acio engî nîûndû nîmaunîte watho wa ûtheru.