Alawi 16:6 - ÎVUKU RÎA ÛVORO MWARO

⁶ Nake Aroni nîakaaruta ndegwa îrî îtega rîa kûtheria mevia make ke mwene na ma andû a mûciî wake.

Alawi 16:6 ပူးပေါင်းရင်းမြစ်များ

Ayubu 1:5

Wa kîrugo Kîamthira, Ayubu nîwetaga ciana ciake nîguo aitherie. Vuva wa kîrugo, nîwaramûkaga kîraûko tene mûno na akaruta îgongoona rîa kûvîvua rîa wa mwana, rîrî îgongoona rîa kûmatheria, “Nîûndû mavota kwîthîrwa marumîte Ngai ngororî ciao.”

Ezek 43:19

Athînjîri-Ngai a mûvîrîga wa Lawi a njiarwa cia Zadoku na matungataga mbere yakwa, nie Ngai-Mûnene nauga makaavewa karegwa magakaruta karî îgongoona rîa kûthiria mevia.

Ezek 43:27

Mîthenya mûgwanja yathira athînjîri-Ngai nîmakaarutagîra metharî îo ya kîgongoona matega ma kûvîvua na matega ma thayû, nanie nîngaamwamûkîra. Ûguo nîguo Mwathani Ngai-Mûnene augîte.”

Alawi 16:3

Agîtonya vandû varîa vatheru Mûno, nwanginya ambage kûruta ndegwa îtarî ngûrû îrî îtega rîa kûtheria mevia na ndûrûme îrî îtega rîa kûvîvua.

Alawi 16:7

Nîagaacoka oce nthenge irîa igîrî na aivirîre Ngai-Mûnene vau mûromorî wa îgema rîa Ngai-Mûnene.

Alawi 9:7

Nîwacokire akîra Aroni atîrî, “Thiî metharî ya kîgongoona na ûrute îtega rîa kûvîvua na rîa kûtheria mevia maku na ma andû a nyomba yaku. Ûcoke ûrute îtega rîa kûtheria mevia ma andû onthe wata ûrîa Ngai-Mûnene athanîte.”

Ahib 7:27

Ndekariî ta Athînjîri-Ngai arîa anene. Ke ndavatiî kûrutaga îgongoona wa mûthenya mbere nîûndû wa mevia make, na acoke arute îgongoona nîûndû wa mevia ma andû. Nîwarutire îgongoona riita rîmwe rîa kwîgana. Eekire ûguo rîrîa eerutire ke mwene.

Ahib 9:12

Rîrîa Kristû aavîtûkîre îgemarî nîwatonyire vandû varîa vatheru Mûno rita rîmwe rîa kwîgana. Ndaakuua nthakame ya mbûri na ndegwa nîguo akarute îgongoona. Vandû va ûguo, ke aavecanire mwoyo wake na agîtûma tûgîe na ûvonokio wa tene na tene.

Ahib 9:7

Nwatî Mûthînjîri-Ngai ûrîa mûnene nîke tu ûthiîcaga îgemarî rîa ndaarî, na ekaga ûguo riita rîmwe wa mwaka. Ke ocaga nthakame akathiî nayo îgemarî na akamîrutîra Ngai nî ûndû wake ke mwene na nîûndû wa mevia marîa andû mekîte matakûmenya.