Alawi 16:27 - ÎVUKU RÎA ÛVORO MWARO

²⁷ Ndegwa na mbûri irîa ciarutirwe irî îtega rîa kûtheria mevia, irîa nthakame yacio yavirirwe vandû varîa vatheru Mûno nîûndû wa kûtheria mevia, nîkaavirwa na kûu nja ya kûrîa andû matûûraga. Nacio njûo cia nyamû icio, nyama, na mara vamwe na tatha nî ikaavîvua.

Alawi 16:27 ပူးပေါင်းရင်းမြစ်များ

Alawi 4:21

Vuva wa ûguo, mûthînjîri-Ngai Mûnene nî agooca ndegwa îo na amîvire na kûu nja ya kûrîa matûûraga na amîvîvîrie kuo, wata ûrîa aavîvirie ndegwa îrîa yarutîtwe nîûndû wa kûtheria wîvia wake ke mwene. Rîrî nî îtega rîa kûtheria wîvia wa andû onthe.

Alawi 6:11

Nî agaacoka arute nguo icio ekîre ciîngî na akuue mûu ûcio na aûvire vandû varîa vatherie na kûu nja ya kûrîa matûûraga.

Alawi 6:23

Îtega rîonthe rîa irio cia mûgûnda rîrîa mûthînjîri-Ngai akaarutaga rîkaavîvagua rîonthe; rîtikaarîwa.”

Alawi 6:30

Nwatî ethîrwa kûrî nthakame wa yonthe îkaavirwa îgemarî rîa Ngai-Mûnene îrî ya gûtûmîrwa kûtheria mevia, nyamû îrîa yumîte nthakame îo ndîagîrîrwe nî kûrîwa, nwanginya îkaavîvua.”

Alawi 8:17

Nîwocire nyama icio ciîngî cia ndegwa îo, rûûo rwayo vamwe na mara na akîivîvîria nja ya kûu maatûûraga, wata ûrîa Ngai-Mûnene aathanîte.