Alawi 16:17 - ÎVUKU RÎA ÛVORO MWARO

¹⁷ Kuuma vîndî îrîa Aroni agaatonya vandû varîa vatheru Mûno kûrûtha mambura ma kûtheria nginya rîrîa akaauma, gûtirî mûndû wagîrîrwe nî kwîthîrwa arî îgemarî rîa Ngai-Mûnene vîndî îo. Athiria kûrûtha mambura make ke mwene, ma andû a mûciî wake na ma andû onthe a Isiraeli,

Alawi 16:17 ပူးပေါင်းရင်းမြစ်များ

1Maû 6:34

Samueli aarî mûvîcî wa Elikana, Elikana aarî mûvîcî wa Jerohamu, Jerohamu aarî mûvîcî wa Elieli, Elieli aarî mûvîcî wa Toa.

Ntha 34:3

Gûtirî mûndû mûkaaunûkia nake, na gûtirî mûndû wagîrîrwe nî kwonekana kîrîmarî kîu kîonthe; na ndûgetîkîrie ng'ondu kana ng'ombe irîthua nthî ya kîrîma.”

Isaia 53:6

“Tue tuonthe nî tûrîte ta ng'ondu, wa mûndû akathiî njîra yake ke mwene. Nwatî Ngai-Mûnene nîwamwigîrîre mevia, marîa twagîrîrwe nî gûkuua tuonthe.

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Alawi 16:16

Ûguo nîguo Aroni akaarûtha mambura ma kûtheria vandû varîa vatheru Mûno kuumana na gîko Kîam andû a Isiraeli vamwe na mevia mao monthe. Nwanginya ekage îgema rîa Ngai-Mûnene ûguo, nîûndû rîtûûraga gatagatîrî ka andû arîa matarî atheru.

Alawi 16:18

nwanginya akaauma na athiî metharî ya kîgongoona ya matega ma kûvîvua na amîtherie. Nwanginya agooca nthakame îmwe ya mbûri na amîvake mîenarî yonthe ya metha ya kîgongoona îrîa yumîrîte ta mvîa.

Luka 1:10

Nao andû eengî nîmaavoyaga marî nja vîndî îrîa ûbani wavîvagua.

Ciîko 4:12

Jesû wenga tu nîke ûvotaga kûvonokia andû na gûkû nthî kuonthe gûtirî mûndû wîngî Ngai anavecana ûngîvota gûtûvonokia.”

1Tim 2:5

Nîûndû Ngai nî ûmwe, nake ûrîa wîgwithanagia andû na Ngai nî ûmwe na mûndû ûcio nî Jesû Kristû.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Ahib 9:7

Nwatî Mûthînjîri-Ngai ûrîa mûnene nîke tu ûthiîcaga îgemarî rîa ndaarî, na ekaga ûguo riita rîmwe wa mwaka. Ke ocaga nthakame akathiî nayo îgemarî na akamîrutîra Ngai nî ûndû wake ke mwene na nîûndû wa mevia marîa andû mekîte matakûmenya.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,