Alawi 15:13 - ÎVUKU RÎA ÛVORO MWARO

¹³ “Rîrîa mûndûmûrûme ûcio akaatherua, nwanginya ageekara îvinda rîa mîthenya mûgwanja ya kûtherua, acoke athambie nguo ciake na ethambie na manjî matheru matavîtwe vandû varîa matherûkaga, na nîakaathera.

Alawi 15:13 ပူးပေါင်းရင်းမြစ်များ

Ntha 29:35

“Ûkaamûra Aroni na avîcî ake îvinda rîa mîthenya mûgwanja, na wa mûthenya ûcokagîre wa ûguo nakwatha.

Ntha 29:37

Ûgeekaga ûguo mûthenya wa mûthenya îvinda rîa mîthenya mûgwanja. Nayo metha ya kîgongoona nîkaathera viû na mûndû wa wonthe kana kîndû wa kîonthe gîkaamîvutia nîgîgaatuîka kîtheru.

Jeremia 33:8

Nîngamatheria mevia monthe na nîmovere maûndû monthe macûku marîa manambîka na kûregana nanie.

Alawi 14:10

“Mûthenya wa kanana nîakaaruta tûtûrûme twîrî na kamwatî, irî na ûkûrû wa mwaka ûmwe na itarî na wonje, kilo ithatû cia mûtu mûvinyu ûtukanîtue na maguta ma ndamaiyû, na mililita magana mathatû ma mîrongo îthatû (330 ml) cia maguta ma ndamaiyû.

Alawi 14:8

Mûndû ûcio nîakaathambia nguo ciake cionthe, enje njuîrî ciake cionthe na nîakaathera. Vuva wa ûguo nîagaacoka kûrî andû acio engî, nwatî nîagekara nja ya îgema rîake îvinda rîa mîthenya mûgwanja.

Alawi 15:28

Nthakame yatiga kuura, nwanginya ageekara îvinda rîa mîthenya mûgwanja, na vuva wa ûguo nîakaathera.

Alawi 15:5

Mûndû wa wonthe ûkaavutia ûrîrî wa mûndûmûrûme ûcio nwanginya akaathambia nguo ciake na ethambie, na agekara atarî mûtheru nginya kîvwaî.

Alawi 8:33

Nwanginya mûgeekara vau mûromorî wa îgema rîa Ngai-Mûnene îvinda rîa mîthenya mûgwanja, nginya rîrîa mambura ma kwamûrwa kwenyu makaathira, nîûndû kwamûrwa kwenyu gûkaathiria mîthenya mûgwanja.

Alawi 9:1

Mûthenya wa kanana Musa nîwetire Aroni na avîcî ake vamwe na athuuri a Isiraeli,

Ndari 12:14

Nwatî Ngai-Mûnene nîwacokerie Musa atîrî, “Kethîrwa îthe nîwamûtuîrîre mata ûthiû, Miriamu angîagîîre gîconoko îvinda rîa mîthenya mûgwanja. Kwoguo nîengatwe kuuma kûrîa mûtûûraga îvinda rîa kiumia kîmwe, na vuva wa ûguo acokue.”

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Jakuvu 4:8

Ûkani vakuvî na Ngai nake nîagûka vakuvî namue. Mue evia, îtherieni njara cienyu. Mue mvinga ino îtherieni ngoro cienyu!

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake