Alawi 14:48 - ÎVUKU RÎA ÛVORO MWARO

⁴⁸ Nwatî rîrîa mûthînjîri-Ngai angîthiî kûroria na one atî nyomba tî nyite nî gîko kîu rîngî vuva wa kûthingwa, nî akaauga atî nyomba îo nî ntheru, nîûndû gîko nî kîthiru.

Alawi 14:48 ပူးပေါင်းရင်းမြစ်များ

Ayubu 5:18

Nîûndû ke nîativagia nwatî nîacokaga akamwova, na nîatemaga mûndû na akamûvonia.

Hosea 6:1

Ûkani tûcokerere Ngai-Mûnene; ke mwene nîatûgurarîtie, nwatî wake mwene nîagûtûvonia. Ke mwene nîatûtivangîtie, nwatî ke mwene nîagûtûthondeka kûrîa tûtivangîtue.

Alawi 14:3

Mûthînjîri-Ngai nîakaathiî kûrî mûndû ûcio na amûrorie waro. Ethîrwa mûndû ûcio arî mûvonu mûrimû ûcio mûcûku wa ngothi,

Alawi 14:43

Nyomba îngînyitwa nî gîko kîu rîngî vuva wa mathiga kûrutwa na nthingo kûng'arwa na kûthingwa rîngî,

Alawi 14:47

Ûndû wîngî nî atî, mûndû wa wonthe ûkamama kana arîîre irio nyombarî îo nwanginya akaathambia nguo ciake.

Alawi 14:49

Nîûndû wa kûtheria nyomba, mûthînjîri-Ngai nî agooca iconi igîrî, kamûtî ka mûtarakwe, mûkumbû mûtune na karûvûa ka hisofu.

Maariko 5:29

Mûndûmûka ûcio nîwavutirie nguo ya Jesû, nayo nthakame îgîtiga kuura wa rîmwe na akîvona.

Maariko 5:34

Nake Jesû nîwerire mûndûmûka ûcio atîrî, “Mwarîwa, gwîtîkia gwaku nîkuo gwatûma ûvone. Thiî na thayû na mûrimû ûcio ndûgagûcokerere rîngî.”

Luka 7:21

Îvinda wa rîu Jesû nîwavonirie andû eengî arîa maarî na mîrimû, akîrutûrûra maroho macûku kuuma kûrî andû arîa maarî namo, na akîvotithia atumumu eengî kwona.

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.