Alawi 14:40 - ÎVUKU RÎA ÛVORO MWARO

⁴⁰ nî akaathana atî mathiga marîa magwatîtwe nî gîko marutwe na maikue vandû varîa vatarî vatheru na kûu nja ya îtûûra.

Alawi 14:40 ပူးပေါင်းရင်းမြစ်များ

Thaburi 101:5

Nîngaacûkangia mûndû ûrîa ûkaaguta mûndû ûrîa wîngî, ndigeekarania na mûndû mwîtîi na mwaganu.

Nthi 22:10

Îngata mûndû wa îtherû, na ngucanio nîikûûra, ngarari na irumi nîikûthira.

Alawi 14:39

Mûthenya wa mûgwanja mûthînjîri-Ngai nî agaacoka rîngî kûroria nyomba îo. Ethîrwa gîko kîu kîrî gîtambu nthingorî cia nyomba,

Alawi 14:41

Vuva wa ûguo, nî akaauga atî mwena wa ndarî wa nthingo cionthe ûng'arwe na mûthetu ûcio ûkang'arwa wikue vandû varîa vatarî vatheru na kûu nja ya îtûûra.

Alawi 6:11

Nî agaacoka arute nguo icio ekîre ciîngî na akuue mûu ûcio na aûvire vandû varîa vatherie na kûu nja ya kûrîa matûûraga.

Mathaayo 18:17

Ethîrwa mûrwanyûkwe tîamathikîrîria, îra kanitha ûvoro ûcio; na angîrega kûthikîrîria kanitha, mûtue ta mûndû ûtetîkîtie kana ta mwîtia mbeca cia gooti.

Johana 15:2

Ke nîatemaga rûvûa wa ruonthe rwakwa rûrîa rûtaciaraga maciaro, na rûvûa wa ruonthe rûciaraga maciaro nîarûcaaga nîguo rûciare maciaro meengî.

1Akor 5:13

Nîûndû mandîko matheru maugîte atîrî, “Îngatani andû arîa mekaga naaî maume gatagatîrî kenyu.”

Tito 3:10

Mûndû ûrîa ûretaga nyamûkano, mûkanagie riita rîa mbere na rîa kaîrî na ûkînatigana nake.

Kûguû 2:2

Nie nîmbicî ciîko cienyu, nîmenyete ûrîa mûrutîte wîra na vinya na mûkaûmîrîria mûkirîrîtie. Nie nîmbicî atî mue nîmûreganaga na andû arîa acûku. Mue nîmûtuîrîtie arîa maugaga atî o nî atûmwa na tî o, na nîmwonete ûguo maugaga nî kûveenania maveenanagia.

Kûguû 2:20

Nwatî nîrî na ûndû nîramûcukîra: Mue nîmwîtîkagîria mûndûmûka ûcio wîtagwa Jezebeli atambie kîthomo Kîam maveeni. Ke etucaga nî mûrathi wa Ngai, nwatî na njîra ya kîthomo kîu gîake, nîavîtithagia ndungata ciakwa igeka ciîko cia ûmaraa na ikarîa irio irîa irutîrîtwe mîvuanano.

Kûguû 2:6

Nwatî ûndû ûrîa mwîkaga mwaro nî atî nîmûmenete ciîko cia Anikolai, wata ûrîa wana nie nîimenete.

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.