Alawi 14:34 - ÎVUKU RÎA ÛVORO MWARO

³⁴ “Rîrîa mûgaakinya vûrûrirî wa Kanaani ûrîa ngaamûva mwîgwatîre, na mûndû one atî nie nîndûmîte nyomba yake înyitwe nî Milideu,

Alawi 14:34 ပူးပေါင်းရင်းမြစ်များ

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 13:17

Rîu ûkîra ûthiî ûkarorie vûrûri ûcio wonthe, nîûndû nîwe ngûva guo.”

Kîam 17:8

Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Nthi 3:33

Kîrumi Kîam Ngai-Mûnene nîkînyitaga mîciî ya andû arîa aganu, nwatî nîarathimaga mîciî ya andû arîa athingu.

Isaia 45:7

Nînie ndûmaga kûgîe ûtheri na ngatûma kûgîe nduma; nînie ndûmaga kûgîe thayû na ngatûma kûgîe thîna. Nînie Ngai-Mûnene ûrîa wîkaga maûndû mau monthe.

Alawi 14:33

Ngai-Mûnene nîwerire Musa na Aroni atîrî,

Alawi 14:55

gîko nguorî kana nyombarî kiumanîte na milideu,

Alawi 20:24

Nwatî nînîmwîrîrîte atî, nîngaamûva vûrûri wao mûûgae ûtuîke wenyu, vûrûri ûrî îriia na ûûkî. Nie nînie Ngai-Mûnene, Ngai wenyu na nîmûthuurîte kuuma gatagatî ka ndûrîrî irîa ciîngî.

Alawi 23:10

“Vîndî îrîa mûgaakinya vûrûrirî ûrîa Nie Ngai-Mûnene ngûmûva na mûkethe maketha ma kuo, mûkaavirîra mûthînjîri-Ngai gîkûmbwa kîmwe kuuma kûrî maketha menyu ma mbere.

Alawi 25:2

“Îra andû a Isiraeli atî mwathiî vûrûrirî ûrîa ngûmûva, mûkaavurûkaga mwaka wa mûgwanja, nîguo magooce Ngai-Mûnene.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Amosi 6:11

Taroria! Ngai-Mûnene nîarathana, nyomba nene na nini nîikaavaraganua ithire.

Mika 6:9

Ngai-Mûnene nî areta andû arîa matûûraga îtûûrarî na nîkwagîrîrîte mwîtigîre rîîtwa rîake; ke arauga atîrî: Tathikîrîriani mue mûgomanîte îtûûrarî!

Zakaria 5:4

Ngai-Mûnene mwene vinya wonthe augîte ke mwene nîke ûgaatûma kîrumi kîu kîthiî na gîtonye nyomba ya mûndû wa wonthe mwîi na gîtonye nyomba ya mûndû wa wonthe wîvîtaga na njîra ya maveeni akîgwetaga rîîtwa rîa Ngai-Mûnene. Nîgîgekara nyombarî yake na kîmîcûkangie, kîthirie mbaû wana mathiga.”

Ndari 32:22

na mwoce vûrûri ûcio. Mwarîkia gwîka ûguo mûcoke, nîûndû nîmwîthîrwa mûrîkîtie wîra wenyu kûrî Ngai-Mûnene na kûrî andû a Isiraeli. Nake Ngai-Mûnene nîagetîkîra atî vûrûri ûyû ûrî mwena wa îrathîro wa rûnjî rwa Jorodani, nî wenyu.

Ndari 32:32

Nîtûkûthiî tûtongoretue nî Ngai-Mûnene tûkinye vûrûri wa Kanaani tûrî na indo cietû cia mbaara na tûrûe. Naguo vûrûri ûyû ûrî mwena wa îrathîro wa Jorodani nîwîthîrwa ûrî wetû.”

Ndari 35:10

“Îra andû a Isiraeli atî vîndî îrîa mûkaaringa rûnjî rwa Jorodani na mûtonye vûrûrirî wa Kanaani,

Gûco 12:1

“Mama nîmo mawatho marîa mûkaarûmagîrîra na kinyi vîndî cionthe rîrîa mûgûtûûra vûrûrirî ûrîa Ngai-Mûnene Ngai wa methe menyu amûvete mwîgwatîre. Marûmagîrîreni ûtûûrorî wenyu wonthe.

Gûco 19:1

“Rîrîa Ngai-Mûnene Ngai wenyu akaaûraga andû arîa marî vûrûrirî ûrîa akûmûva, na mûmengate na mûtûûre matûûrarî na nyomba cia vûrûri ûcio,

Gûco 26:1

“Mwarîkia gûkinya vûrûrirî ûrîa Ngai-Mûnene, Ngai wenyu akûmûva rîrî îgai rîenyu, na mûtûûre kuo,

Gûco 27:3

Nîmûgaacoka mwandîke maathani mama monthe mathigarî mau mwarîkia gûtonya vûrûrirî ûrîa Ngai-Mûnene Ngai wa methe menyu akûmûva, wata ûrîa aamwîrîîre. Vûrûri ûcio wîcûrîte îriia na ûûkî.

Gûco 32:49

“Unûkia kîrîmarî Kîam Abarimu vûrûrirî wa Moabu ûrîa ûng'ethanîrîte na îtûûra rîa Jeriko ûkarorie vûrûri wa Kanaani, ûrîa ngûva andû a Isiraeli ûtuîke wao.

Gûco 7:15

Ngai-Mûnene nîakaamûgitîra kuuma kûrî mîrimû yonthe. Ndagaatûma mûgîe na mîrimû mîcûku ta îrîa mwonire Misiri, nwatî arîa onthe mamûthûrîte nîo makaanyitwa nî mîrimû îo.

Josh 13:1

Mîaka mîngî nîyathirîte na vîndî îo Joshua aarî mûkûrû mûno. Ngai-Mûnene nîwamwîrire atîrî, “We ûrî mûkûrû mûno, nwatî kûrî na vûrûri wîngî ûtigarîte ûtaûnyitîte.

1Sam 2:6

Ngai-Mûnene nîke ûûragaga andû na nwake ûmavecaga mwoyo, nîke ûviraga andû kwa arîa akuû na akamaruta kuo.