Alawi 14:21 - ÎVUKU RÎA ÛVORO MWARO

²¹ Nwatî ethîrwa mûndû nî mûthîni na ndangîona indo icio, nîakaaruta gatûrûme kamwe tu karî ga kûmûtheria mevia. Nîgakaanengerwa mûthînjîri-Ngai karî kîveo Kîam mwanya kûrî Ngai-Mûnene. Mûndû ûcio nîakaaruta kilo îmwe tu ya mûtu mûvinyu ûtukanîtue na maguta ma ndamaiyû rîrî îtega rîa irio cia mûgûnda, vamwe na mililita magana mathatû ma mîrongo îthatû ma maguta ma ndamaiyû.

Alawi 14:21 ပူးပေါင်းရင်းမြစ်များ

Ayubu 34:19

Ndonanagia kîmenyano kûrî anene, ndarûmbûyanagia na itonga gûkîra athîni, nîûndû onthe maûmbirwe nîke.

Nthi 17:5

Mûndû ûrîa ûthekagîrîra mûthîni ethagîrwa akîruma Ngai ûrîa waûmbire mûndû ûcio. Mûndû ûrîa ûkenaga rîrîa mûndû wîngî arî thînarî, nwanginya akaaverithua.

Nthi 22:2

Arîa atongu na arîa athîni megananîtue nî ûndû ûmwe, Ngai-Mûnene nîke wamaûmbire onthe.

Ezek 46:7

Nîûndû wa îtega rîa irio cia mûgûnda wa varî ndegwa akaarutaga Efa îmwe ya mûtu na Efa îmwe ya mûtu varî wa ndûrûme. Na varî tûtûrûme akaarutaga kûringana na ûrîa angîvota. Kûrî îtega rîa irio cia mûgûnda akaarutaga lita ithatû cia maguta kûrî wa Efa îmwe ya mûtu.

Alawi 1:14

“Ethîrwa mûndû nîaruta iconi rîrî îtega rîa kûvîvua kûrî Ngai-Mûnene, nîakaaruta ndutuura îtarî ngûrû kana îcîa rîtarî rîkûrû.

Alawi 12:8

“Ethîrwa mûndûmûka ndangîona ng'ondu, nîakaanenganîra ndutuura igîrî kana macîa maîrî. Îmwe ya îtega rîa kûvîvua nayo îo îngî ya îtega rîa kûtheria wîvia. Mûthînjîri-Ngai nîakaarûthîra mûndûmûka ûcio mambura ma kûmûtheria na nîakaathera.”

Alawi 14:10

“Mûthenya wa kanana nîakaaruta tûtûrûme twîrî na kamwatî, irî na ûkûrû wa mwaka ûmwe na itarî na wonje, kilo ithatû cia mûtu mûvinyu ûtukanîtue na maguta ma ndamaiyû, na mililita magana mathatû ma mîrongo îthatû (330 ml) cia maguta ma ndamaiyû.

Alawi 14:22

Wana nîakaaruta ndutuura igîrî kana macîa maîrî; wa kîrîa akaavota. Gîconi kîmwe gîkethîrwa kîrî Kîam îtega rîa kûtheria mevia nakîo kîu kîngî kîrî Kîam îtega rîa kûvîvua.

Alawi 27:8

“Ethîrwa mûndû ûrîa wîvîtîte arî mûthîni mûno na ndangîvota kûrîva kîthimi kîrîa gîtîkanîrie, nîakaavirîra mûthînjîri-Ngai mûndû ûcio amûrîrîte Ngai, nake mûthînjîri-Ngai nîagaatua kîthimi kûringana na ûrîa mûndû ûrîa wîvîtîte angîvota kûrîva.

Alawi 5:11

Ethîrwa mûndû ndarî na ndutuura igîrî kana macîa maîrî, nîakaaruta kilo îmwe ya mûtu rîrî îtega rîa kûtheria wîvia wake. Ndakaavira vamwe na maguta kana ûbani nîûndû nî îtega rîa kûtheria wîvia nwatî, tî îtega rîa irio cia mûgûnda.

Alawi 5:7

Nwatî ethîrwa mûndû ndangîona ng'ondu kana mbûri, nîakaarutîra Ngai-Mûnene ndutuura igîrî kana macîa maîrî, îmwe îrî îtega rîa kûtheria wîvia, nayo îo îngî îrî îtega rîa kûvîvua.

Luka 6:20

Jesû nîwaroririe arutwa ake na akîmeera atîrî, “Kûrathimwa nîmue athîni, nîûndû Ûthamaki wa Ngai nî wenyu!

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.