Alawi 13:46 - ÎVUKU RÎA ÛVORO MWARO

⁴⁶ Mûndû ûcio akethagîrwa atarî mûtheru rîrîa rîonthe akethagîrwa arûarîte mûrimû ûcio, kwoguo agaatûûraga nja ya kûrîa andû acio engî matûûraga.

Alawi 13:46 ပူးပေါင်းရင်းမြစ်များ

2Sam 3:29

Ûru ûcio ûrocokerera Joabu na andû onthe a mûciî wake! Mûciî wake ûrogîa na mûndû ûrwarîte mûrimû wa gîcûnûnû kana mûndû ûrwarîte mûrimû mûcûku mûno wa ngothi, kana mûndû ûkûruta mawîra ma gûtuma vurana ta aka, kana mûndû ûragîrîtwe mbaararî, kana mûndû ûtarî na kîndû gîa kûrîa.”

2Atha 15:5

Ngai-Mûnene nîwaverithirie mûthamaki Azaria na njîra ya gûtûma anyitwe nî mûrimû mûcûku wa ngothi, ûrîa aarwarire nginya vîndî îrîa aakwire. Aatûûraga nyomba arî wenga. Mûvîcî Jothamu ûrîa warûngamagîrîra mûciî wa mûthamaki nîke watongoragia andû a vûrûri ûcio.

2Atha 7:3

Arûme ana arîa mekaraga kîvingorî marî arwaru mûrimû mûcûku wa ngothi nîmeranire atîrî, “Nîtwîkara ava nginya rîrîa tûgaakua nîkî?

2Maû 26:21

Mûthamaki Uzia nîwekarire arî na mûrimû mûcûku wa ngothi nginya mûthenya ûrîa aakwire. Eekaraga nyomba yake arî wenga nîûndû ndeetîkîrîtue gûtonya hekarûrî. Nake mûvîcî Jothamu nîke warûngamîrîrîte nyomba ya mûthamaki na nîke wathaga andû a vûrûri ûcio.

Nthi 30:12

Kûrî andû meyonaga marî atheru nwatî methagîrwa matarî atheru.

Maca 1:1

Îtûûra rîrîa rîecûrîte andû kaî rîrî na îvooru î! Nîrîatîîtwe nî mavûrûri, nwatî rîu rîkariî ta mûka wa ndigwa, mbere rîarî mwarî wa mûthamaki, rîu rîtuîkîte ngombo.

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Maca 4:15

Andû maaugagîrîria makameera atîrî, “Umani ava. Mue mûrî mûgiro! Thiîni! Mûtikamvutie!” Kwoguo andû acio maatuîkire aûrûri matarî gîkaro, maumaga vûrûrirî ûmwe makathiî ûrîa wîngî; andû a mavûrûri maugaga atîrî: “Matigekarania natue rîngî.”

Alawi 13:47

“Rîrîa nguo îrî na gîko kiumanîte na mûrimû mûcûku wa ngothi wana yethîrwa îrî ya guoya, nguo ndaca,

Alawi 14:3

Mûthînjîri-Ngai nîakaathiî kûrî mûndû ûcio na amûrorie waro. Ethîrwa mûndû ûcio arî mûvonu mûrimû ûcio mûcûku wa ngothi,

Alawi 23:29

Mûndû wa wonthe ûtakeenyerekia mûthenya ûcio nîakaamûranua na andû a Ngai.

Luka 17:12

Rîrîa aatonyaga gîcagirî kîmwe, nîwatûngirwe nî andû îkûmi arîa maarwarîte mûrimû mûcûku wa ngothi. Nao andû acio nîmaarûngamire vandû varaca na

1Akor 5:5

nîmwagîrîrwe nî kûnenganagîra mûndû ta ûcio kûrî Caitani nîguo mwîrî wake ûcûkangue, naguo roho wake nîûkaavonokua mûthenya ûcio wa Mwathani.

2Ath 3:14

Ethîrwa kûrî mûndû ûkaarega kwathîkîra ûrîa tûmwîrîte maarûarî îno, menyani mûndû ûcio na mûtikathiîcanie nake nîguo aconoke.

2Ath 3:6

Ariû na aarî a îthe wetû, tûramwatha na rîîtwa rîa Mwathani wetû Jesû Kristû atî mûtikathiîcanagie na ariû na aarî a îthe wetû arîa igûta na matarûmagîrîra maûndû marîa twamûthomithirie.

1Tim 6:5

na ngarari vîndî cionthe kuuma kûrî andû arîa matarî na meciria maro na matiganagîria ûma. Andû ta aya meciragia gûtuîka mûkristiano nî njîra îmwe ya gûtonga.

Kûguû 21:27

Nwatî gûtirî kîndû kîrî mûgiro gîgaatonya îtûûrarî rîu înene. Mûndû wa wonthe wîkaga maûndû macûku na marî nthoni, kana andû arîa maveenanagia matigaatonya kuo. Arîa magaatonya nî arîa marîîtwa mao mandîkîtwe îvukuurî rîa Gatûrûme rîa mwoyo.

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.