Alawi 13:2 - ÎVUKU RÎA ÛVORO MWARO

² “Ethîrwa mûndû wa wonthe nîakaagîa na îtoo kana nyimba kana ûvere ngothirî yake na wonekane ta ûngîtuîka mûrimû mûcûku wa ngothi, mûndû ûcio nîakaavirwa kûrî mûthînjîri-Ngai Aroni kana kûrî ûmwe wa athînjîri-Ngai.

Alawi 13:2 ပူးပေါင်းရင်းမြစ်များ

2Sam 3:29

Ûru ûcio ûrocokerera Joabu na andû onthe a mûciî wake! Mûciî wake ûrogîa na mûndû ûrwarîte mûrimû wa gîcûnûnû kana mûndû ûrwarîte mûrimû mûcûku mûno wa ngothi, kana mûndû ûkûruta mawîra ma gûtuma vurana ta aka, kana mûndû ûragîrîtwe mbaararî, kana mûndû ûtarî na kîndû gîa kûrîa.”

2Atha 5:1

Naamani ûrîa warî mûnene wa athigari a mbaara a mûthamaki wa Sîria nîwendetwe na agatîwa mûno nî mwathi wake, nîûndû na njîra yake Ngai-Mûnene nîwavete andû a Sîria vinya wa kûvootana. Aarî mûthigari njamba, nwatî arî mûrwaru mûrimû mûcûku wa ngothi.

2Atha 5:27

Kwoguo we, na njiarwa ciaku nî mûnyitwa nî mûrimû ûcio mûcûku wa ngothi wa Namani na mûtûûre naguo tene na tene!” Nake Gehazi nîwaumire kûrî Elisha arî mûrwaru mûrimû mûcûku wa ngothi, mwîrî wake ûcerûvîte ta îra.

Isaia 1:6

Kuuma kîongo nginya gîtende gîa kûgûrû gûtirî vandû vatarî na thîna, ûtivangîtue kûndû kuonthe na wî na ironda iraura nthakame. Ironda ciaku tî nthambie kana ciovwa wana kana ciîtîrîrua maguta.

Isaia 3:17

Kwoguo, nie Ngai-Mûnene nîngaamaverithia; aka acio a Zayuni nîngaamenja njuîrî cia ciongo ciao, na nîmarute nguo matigwe marî njaga.”

Alawi 13:1

Ngai-Mûnene nîwerire Musa na Aroni atîrî,

Alawi 13:3

Mûthînjîri-Ngai nîakaaroria îtoo rîu, na ethîrwa njuîrî irîa irî îtoorî rîu nî ngarûrûku igatuîka cia rangi njerû na îtoo rîu rîthîrwe rîrî rîrikîru ndaarî ya ngothi, ûcio nî mûrimû mûcûku wa ngothi na mûthînjîri-Ngai nîakaauga atî mûndû ûcio tî mûtheru.

Alawi 13:8

Mûthînjîri-Ngai nîakaamûroria rîngî, na ethîrwa mûrimû ûrî mûrendu, mûthînjîri-Ngai nîakaauga atî mûndû ûcio tî mûtheru; ûcio nî mûrimû mûcûku wa ngothi.

Alawi 14:3

Mûthînjîri-Ngai nîakaathiî kûrî mûndû ûcio na amûrorie waro. Ethîrwa mûndû ûcio arî mûvonu mûrimû ûcio mûcûku wa ngothi,

Alawi 14:35

mwene nyomba îo nîakaathiî kwîra mûthînjîri-Ngai ûvoro ûcio.

Alawi 14:56

nyimba, matoo kana irema.

Malaki 2:7

Wîra wa athînjîri-Ngai, nî kûthomithia andû kîrîra Kîam ma Kîam Ngai, na kûthomithia andû maûndû marîa mendaga meke; nîûndû o nîo anjaama a Ngai-Mûnene mwene vinya wonthe.

Ndari 12:10

Rîrîa îtu rîaumire vau îgûrû rîa îgema, Miriamu nîwonekire arî na mûrimû mûcûku wa ngothi, na mwîrî wake wonthe ûcerûvîte ta îra. Rîrîa Aroni evûgûrire na akîona Miriamu arî na mûrimû mûcûku wa ngothi,

Ndari 12:12

Ndûkareke Miriamu ekare ta mûndû wavunirwe na ciîga imwe irî ndîku.”

Mathaayo 8:4

Nake Jesû nîwamwîrire atîrî, “Tathikîrîria, ndûkeere mûndû wana ûrîkû ûrîa gwekîka, nwatî thiî ûkeyonanie kûrî mûthînjîri-Ngai nîguo one atî nîwavonua na ûrute îgongoona rîrîa Musa aathanire rîrutagwe, nîguo rîtuîke ûira kûrî o atî we nîwavonua.”

Maariko 1:44

“Menyerera ndûkere mûndû wana ûrîkû ûvoro ûyû. Nwatî ûthiî ûkeyonanie kûrî mûthînjîri-Ngai na ûrute îgongoona rîrîa Musa aathanire nîguo rîtuîke ûira wa ma kûrî andû onthe atî we nîwatherua.”

Luka 17:14

Rîrîa Jesû oonire andû acio nîwamerire atîrî, “Thiîni mûkeyonanie kûrî athînjîri-Ngai.” Na marî njîrarî mathiîte, nîmaatherirue.

Luka 5:14

Nake Jesû nîwerire mûndû ûcio atîrî, “We ndûkeere mûndû wa na ûmwe ûndû ûyû. Nwatî thiî ûkarorue nî mûthînjîri-Ngai na ûrute îgongoona wata ûrîa Musa aathanire. Na weka ûguo, andû onthe nîmakûmenya atî nîwatherua.”

Gûco 24:8

“Rîrîa mûndû arwara mûrimû mûcûku wa ngothi, nîathiî kûrî mûthînjîri-Ngai Mûlawi na amenyerere eke maûndû monthe marîa mûthînjîri-Ngai akaamwîra wata ûrîa namaathire.

Gûco 28:27

Ngai-Mûnene nîagaatûma mûgîe na nyimba ta irîa ciarî na andû a Misiri, na atûme mîîrî yenyu îtûrîkange ironda. Nîmûkaagîa na ûvere na mwîthûa na mûtikaavora.