Alawi 12:8 - ÎVUKU RÎA ÛVORO MWARO

⁸ “Ethîrwa mûndûmûka ndangîona ng'ondu, nîakaanenganîra ndutuura igîrî kana macîa maîrî. Îmwe ya îtega rîa kûvîvua nayo îo îngî ya îtega rîa kûtheria wîvia. Mûthînjîri-Ngai nîakaarûthîra mûndûmûka ûcio mambura ma kûmûtheria na nîakaathera.”

Alawi 12:8 ပူးပေါင်းရင်းမြစ်များ

Alawi 1:14

“Ethîrwa mûndû nîaruta iconi rîrî îtega rîa kûvîvua kûrî Ngai-Mûnene, nîakaaruta ndutuura îtarî ngûrû kana îcîa rîtarî rîkûrû.

Alawi 12:7

Mûthînjîri-Ngai nîakaaruta îtega rîa mûndûmûka ûcio kûrî Ngai-Mûnene na amûrûthîre mambura ma kûmûtheria na nîakaathera. Ûguo nîguo mûndûmûka agîrîrwe nî gwîka arîkia gûciara.

Alawi 13:1

Ngai-Mûnene nîwerire Musa na Aroni atîrî,

Alawi 14:21

Nwatî ethîrwa mûndû nî mûthîni na ndangîona indo icio, nîakaaruta gatûrûme kamwe tu karî ga kûmûtheria mevia. Nîgakaanengerwa mûthînjîri-Ngai karî kîveo Kîam mwanya kûrî Ngai-Mûnene. Mûndû ûcio nîakaaruta kilo îmwe tu ya mûtu mûvinyu ûtukanîtue na maguta ma ndamaiyû rîrî îtega rîa irio cia mûgûnda, vamwe na mililita magana mathatû ma mîrongo îthatû ma maguta ma ndamaiyû.

Alawi 14:22

Wana nîakaaruta ndutuura igîrî kana macîa maîrî; wa kîrîa akaavota. Gîconi kîmwe gîkethîrwa kîrî Kîam îtega rîa kûtheria mevia nakîo kîu kîngî kîrî Kîam îtega rîa kûvîvua.

Alawi 15:14

Mûthenya wa kanana mûndûmûrûme ûcio nîagooca ndutuura igîrî kana macîa maîrî na athiî nacio mûromorî wa îgema rîa Ngai-Mûnene na ainenganîre kûrî mûthînjîri-Ngai.

Alawi 15:15

Mûthînjîri-Ngai nîakaaruta îmwe yacio îrî îtega rîa kûtheria mevia nayo îo îngî arute îrî îtega rîa kûvîvua. Ûguo nîguo mûthînjîri-Ngai akaarûtha mambura ma kûtheria mûndûmûrûme arwarîte mûrimû wa kuuma mavira ciîgarî ciake cia ûciari.

Alawi 15:29

Mûthenya wa kanana mûndûmûka ûcio nîagooca ndutuura igîrî kana macîa maîrî na avirîre mûthînjîri-Ngai vau mûromorî wa îgema rîa Ngai-Mûnene.

Alawi 4:26

Nî agaacoka avîvîrie mathunya mayo monthe îgûrû rîa metha ya kîgongoona wata ûrîa avîvagia mathunya ma nyamû irîa ciûragagwa nîûndû wa matega ma ngwatanîro. Ûguo nîguo mûthînjîri-Ngai akaaruta îgongoona nîûndû wa kûtheria wîvia wa mûtongoria na mûtongoria ûcio nî akooverwa.

Alawi 5:11

Ethîrwa mûndû ndarî na ndutuura igîrî kana macîa maîrî, nîakaaruta kilo îmwe ya mûtu rîrî îtega rîa kûtheria wîvia wake. Ndakaavira vamwe na maguta kana ûbani nîûndû nî îtega rîa kûtheria wîvia nwatî, tî îtega rîa irio cia mûgûnda.

Alawi 5:7

Nwatî ethîrwa mûndû ndangîona ng'ondu kana mbûri, nîakaarutîra Ngai-Mûnene ndutuura igîrî kana macîa maîrî, îmwe îrî îtega rîa kûtheria wîvia, nayo îo îngî îrî îtega rîa kûvîvua.

Mathaayo 21:12

Nake Jesû nîwatonyire hekarûrî na akîrutûrûra arîa onthe meendagia wa vamwe na arîa onthe maagûraga. Ke nîwang'aûranirie metha cia arîa maakûrananagia mbeca, na itî cia arîa meendagia ndutuura.

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.