Alawi 12:6 - ÎVUKU RÎA ÛVORO MWARO

⁶ “Mîthenya ya kwîtheria yathira kuuma arîkia gûciara kaana ga kavîcî kana ga kamwîrîtu, mûndûmûka ûcio nîakaaruta ng'ondu ya ûkûrû wa mwaka ûmwe îrî ya îtega rîa kûvîvua vamwe na îcîa kana ndutuura îrî ya îtega rîa kûtheria wîvia. Akaavirîra mûthînjîri-Ngai vau mûromorî wa îgema rîa Ngai-Mûnene.

Alawi 12:6 ပူးပေါင်းရင်းမြစ်များ

Kîam 15:9

Ngai-Mûnene nîwamwîrire atîrî, “Ndetere mori, mvarika, na ndûrûme, na cionthe ciîthîrwe irî na ûkûrû wa mîaka îthatû. Ûcoke ûndetere îcîa na ndutuura.”

Alawi 12:2

“Îra andû a Isiraeli atî: Mûndûmûka angîkaagîa îvu na aciare kaana ga kavîcî, nîakethîrwa arî na gîko îvinda rîa mîthenya mûgwanja wata ûrîa ethagîrwa ekariî vîndî îrîa arî îvindarî rîake rîa mweri.

Alawi 12:5

Nwatî mûndûmûka angîkaagîa îvu na aciare kaana ga kamwîrîtu nîakethîrwa arî na gîko îvinda rîa mîthenya îkûmi na îna, wata ûrîa ethagîrwa ekariî vîndî îrîa arî îvindarî rîake rîa mweri. Mûndûmûka ûcio nîagekara mîthenya îngî mîrongo îtandatû na îtandatû atarî mûtheru kuuma arîkia gûciara.

Alawi 12:7

Mûthînjîri-Ngai nîakaaruta îtega rîa mûndûmûka ûcio kûrî Ngai-Mûnene na amûrûthîre mambura ma kûmûtheria na nîakaathera. Ûguo nîguo mûndûmûka agîrîrwe nî gwîka arîkia gûciara.

Alawi 14:22

Wana nîakaaruta ndutuura igîrî kana macîa maîrî; wa kîrîa akaavota. Gîconi kîmwe gîkethîrwa kîrî Kîam îtega rîa kûtheria mevia nakîo kîu kîngî kîrî Kîam îtega rîa kûvîvua.

Alawi 15:14

Mûthenya wa kanana mûndûmûrûme ûcio nîagooca ndutuura igîrî kana macîa maîrî na athiî nacio mûromorî wa îgema rîa Ngai-Mûnene na ainenganîre kûrî mûthînjîri-Ngai.

Alawi 15:29

Mûthenya wa kanana mûndûmûka ûcio nîagooca ndutuura igîrî kana macîa maîrî na avirîre mûthînjîri-Ngai vau mûromorî wa îgema rîa Ngai-Mûnene.

Ndari 6:10

Mûthenya wa kanana, Mûnazari ûcio nîakaavira macîa maîrî kana ndutuura igîrî kûrî mûthînjîri-Ngai vau mûromorî wa îgema rîa Ngai-Mûnene.

Luka 2:22

Naguo mûthenya nîwakinyire wa Josefu na Mariamu matherue vuva wa gûciara, wata ûrîa Watho wa Musa ugîte. Kwoguo nîmaavirire Jesû Jerusalemu nîguo makamûvecane kûrî Mwathani.

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.