Alawi 11:29 - ÎVUKU RÎA ÛVORO MWARO

²⁹ “Nyamû ino irûmîrîrîte nî mûgiro kûrî mue; Mbuko, mbîa, ngaara,

Alawi 11:29 ပူးပေါင်းရင်းမြစ်များ

Kîam 1:20

Nake Ngai nîwaugire atîrî, “Manjîrî nî gwîcûre ciûmbe irîa irî mwoyo cia mîthemba mîîngî, nakuo rîerarî gwîcûre iconi.”

Thaburi 10:3

Andû arîa aganu metîîaga nîûndû wa merirîria ma ngoro ciao, arîa akoroku marumaga na makarega Ngai-Mûnene.

Nthi 30:28

Mîrikathi nî ciûmbe ûngînyita na njara, nwatî nwa ûcione mîciî kwa athamaki.

Isaia 66:17

Ngai-Mûnene arauga atîrî, “Andû arîa metheragia na makethambia makathiî marûmanîrîrîte na mûruti magongoona mathiîte mîgûndarî kûrîa mîvuanano îrutagîrwa magongoona, arîa marîcaga nyama cia ngûrwe na cia mbîa, na irio irîa irî mûgiro, makaathiranîrua vamwe onthe.

Alawi 11:28

Mûndû wa wonthe ûgaakuua ciimba ciacio nwanginya akaathambia nguo ciake nîûndû akethîrwa arî na mûgiro nginya kîvwaî.

Alawi 11:30

mîthemba yonthe ya ndikathi, na mîriû.

Hagai 2:6

Ngai-Mûnene mwene vinya wonthe arauga atîrî, “Vîndî îtarî ndaca nîngainainia îgûrû na nthî, îria na nthî nyûmû.

Luka 12:15

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

Luka 16:14

Rîrîa Afarisai meegwire maûndû mama monthe, nîmaanyûrûririe Jesû nîûndû maarî akorokeru mbeca mûno.

Johana 6:26

Nake Jesû nîwamacokerie atîrî, “Nîramwîra na ma atî mue mûranjaria nîûndû nîmûrarîre mîgate mûkîvaa, nwatî tî nîûndû atî nîmûrataûkîrwe nî ûrîa ciama ciakwa irendaga kwonania.

Johana 6:66

Na kuuma vîndî îo arûmîrîri eengî a Jesû nîmaamûtigire na matiacoka kûmûrûmîrîra rîngî.

Aefeso 4:14

Tûtigaacoka gûtuîka ta ciana irîa cikanagua na mbere na igaikanua na vuva na ikaveenererua nî arimû a maveeni a mîthemba yonthe. Acio nîo mavîtithagia andû arîa engî nîûndû wa mawara marîa matungîte.

Afil 3:19

Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”