Alawi 10:2 - ÎVUKU RÎA ÛVORO MWARO

² Wa rîmwe, mwaki nîwaumire kûrî Ngai-Mûnene, ûkîmavîvia na magîkua Ngai-Mûnene akîonaga.

Alawi 10:2 ပူးပေါင်းရင်းမြစ်များ

2Sam 6:7

Nake Ngai-Mûnene nîwarakarirue nî Uza na akîmûraga nîûndû wa gûturîra îthandûkû rîa kîrîkanîro gîtîîo. Uza aakwîrîre vau vakuvî na îthandûkû rîa kîrîkanîro Kîam Ngai.

1Atha 13:28

Nîwatwîre îgûrû rîayo na akîthiî. Nîwethîre kimba kîu kîmamîte njîrarî, nayo mvunda na mûnyambû irûngamîte vakuvî nakîo. Mûnyambû ndwarî mûrîu kimba kîu kana ûtharîkîra mvunda.

1Atha 18:38

Vîndî wa îo mwaki wa Ngai-Mûnene nîwaumire îgûrû na ûkîvîvia matega, ngû, mathiga, mûthetu na ûkînyarithia manjî marîa maarî mûtarorî.

2Atha 1:10

Nwatî Elija nîwacokerie mûnene ûcio atîrî, “Ethîrwa nîrî mûndû wa Ngai, ‘Mwaki ûronyûrûrûka kuuma îgûrû na ûgûcûkangie vamwe na athigari aku mîrongo îtano!’ ” Wa rîmwe mwaki nîwacokire ûkînyûrûrûka kuuma îgûrû na ûgîcûkangia mûnene ûcio wa athigari mîrongo îtano wa vamwe na athigari acio ake.

2Atha 1:12

Nake Elija nîwacokerie mûnene ûcio atîrî, “Ethîrwa nîrî mûndû wa Ngai, mwaki ûronyûrûrûka kuuma îgûrû na ûgûcûkangie vamwe na athigari aku mîrongo îtano!” Wa rîmwe mwaki nîwacokire ûkînyûrûrûka kuuma îgûrû na ûgîcûkangia mûnene ûcio wa athigari mîrongo îtano wa vamwe na athigari acio ake.

1Maû 13:10

Wa rîmwe Ngai-Mûnene nîwarakarire nî Uza nîûndû nîwanyitire îthandûkû rîa kîrîkanîro. Kwoguo Ngai-Mûnene nîwamûragire na agîkua arî vau mbere yake.

1Maû 15:13

Ngai-Mûnene, Ngai wetû nîwatûverithirie nîûndû tûtiarîkuua vîndî ya mbere na tûtiarîmenyarera ta ûrîa aathanîte.”

1Maû 24:2

Nadabu na Abihu nîmaakwire mbere ya îthe na maakwire matagîte ciana. Kwoguo aa mûrwang'ina Eleazaru na Ithamaru nîmaatuîkire athînjîri-Ngai.

Ayubu 1:16

Mbere ya arîkia kwaria, ndungata îngî ya Ayubu nîyaûkire na îkîmwîra atîrî, “Rûveni kuuma îgûrû kwa Ngai rûkire na rwavîvia ng'ondu na ndungata ciaku irîa ikûirîthagia ciathira. Nînie nienga ndigarire nîguo mbûke ngûmenyithie maûndû mama.”

Thaburi 50:3

Ngai wetû nîaûkîte, nwatî ndaûkîte akirîte; mwaki wa gûcûkangia ûrî mbere yake, athiûrûrûkîrîtue nî kîvuvûkanio kînene.

Ntha 24:1

Ngai-Mûnene nîwacokire akîra Musa atîrî, “Unûkia ûke kîrîmarî varî nie, we na Aroni na Nadabu na Abihu, na atongoria mîrongo mûgwanja a Isiraeli. Na mûrî wa varaca mwînamîrîre na mûngooce.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Alawi 10:5

Kwoguo Mishaeli na Elizafani nîmaathiîre na makînyita ciimba icio na nguo ciacio na makîivira nja ya kûu maatûûraga, wata ûrîa Musa aathanîte.

Alawi 16:1

Ngai-Mûnene nîwarîrie Musa vuva wa avîcî aîrî a Aroni gûkua makuvîvîria Ngai-Mûnene.

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Ndari 14:37

Ngai-Mûnene nîwatûmire andû acio maaretire ndeto itarî cia ma ciîgiî vûrûri ûcio, maûragwe nî mûthiro.

Ndari 16:35

Naguo mwaki nîwaumire îgûrû na ûgîûka ûkîvîvia andû magana maîrî ma mîrongo îtano (250) arîa maategagîra Ngai-Mûnene ûbani.

Ndari 16:49

Andû onthe arîa maakwire vîndî ya mûthiro ûcio maarî ngiri îkûmi na inya na magana mûgwanja (14,700) gûtatarîtwe arîa maakuire vîndî ya Kora.

Ndari 26:61

Nadabu na Abihu nîmaakwire rîrîa maarutîre Ngai-Mûnene matega ma kûvîvua na mwaki ûtarî mwîtîkîrie.

Ciîko 5:10

Wa rîmwe Safira nîwagwîre nthî magûrûrî ma Petero na agîkua. Rîrîa anake acio maatonyire kuo na makîmwîthîra arî mûkuû, nîmaamûrutire nja mamûkuuîte na makîthiî makîmûthika rwarurî rwa mûthuuriwe.

Ciîko 5:5

Na rîrîa Anania eegwire ciugo icio, nîwagwîre nthî na agîkua. Na andû onthe arîa meegwire ûvoro ûcio nîmegwire guoya mûno.

1Akor 10:11

Maûndû mama monthe meekîkire kûrî o nîguo matuîke kîonereria kûrî arîa engî. Namo maandîkirwe nîguo matuîke ûtaari kûrî tue arîa tûratûûra mavindarî mama ma mûthiia.

1Sam 6:19

Nake Ngai-Mûnene akîûraga andû mîrongo mûgwanja a kûu Bethi-shemeshu nîûndû nîmaaroririe ndaarî ya îthandûkû rîa Kîrîkanîro rîa Ngai-Mûnene. Nao andû acio engî makîgua kîeva nîûndû wa ûrîa Ngai-Mûnene aaûragîte andû eengî gatagatîrî kao.