Alawi 10:10 - ÎVUKU RÎA ÛVORO MWARO

¹⁰ Nwanginya mwîkîre ngûrani gatagatî ga kîndû kîrîa Kîammûrîre Ngai na kîrîa gîtarî Kîammûrîre Ngai, kîndû kîrîa kîrî mûgiro na kîrîa gîtarî mûgiro.

Alawi 10:10 ပူးပေါင်းရင်းမြစ်များ

Jeremia 15:19

Kwoguo Ngai-Mûnene arauga atîrî, “Ûngînjokerera nîngûgûcokia ûrîa wekariî mbere, nawe nî ûkandungatîra rîngî. Ûngîaria maûndû marîa magîrîrîte na tî marîa matarî vata, we ûkaragia vandûrî vakwa. Andû nîmagagûcokerera, nwatî we ndûkaathiî kûrî o.

Ezek 22:26

Athînjîri-Ngai ao nîmaunîte watho wakwa, na nîmagwatîtie indo ciakwa irîa ntheru mûgiro. Matiîkagîra ngûrani gatagatî ka indo irîa ntheru na irîa itarî ntheru, wana kana mathomithanie ûvoro wîgiî maûndû marîa marî gîko na marîa matarî gîko. Matiathîkagîra thavatû ciakwa, na nîmatûmîte ndega kûvewa gîtîîo gatagatîrî kao.

Ezek 44:23

“Athînjîri-Ngai makathomithagia andû ngûrani ya indo irîa ntheru na irîa itarî ntheru, na gûkûrana indo irîa irî mûgiro na irîa itarî mûgiro.

Alawi 11:47

Nwanginya mwîkîre ngûrani gatagatî ka indo irîa irî mûgiro na irîa itarî, gatagatî ka nyamû irîa ingîrîwa na irîa itangîrîwa.

Alawi 13:43

Mûthînjîri-Ngai nîakaamûroria, na ethîrwa kîvara kîrî na îtoo rîrî na mavira matukanîte na nthakame ta mûndû ûrî na mûrimû mûcûku wa ngothi,

Alawi 14:57

Mawatho mama nîmo monanagia rîrîa kîndû kîrî kîtheru na rîrîa gîtarî kîtheru.

Tito 1:15

Indo cionthe nî ntheru kûrî andû arîa atheru. Nwatî kûrî andû arîa aganu na matetîkîtie gûtirî kîndû kîtheru nîûndû meciria mao na thamiri ciao nî ino nthûkangie.