Alawi 1:8 - ÎVUKU RÎA ÛVORO MWARO

⁸ Athînjîri-Ngai acio a nyomba ya Aroni nî makaavanga kîongo na mathunya vamwe na icunjî icio ciîngî cia nyamû îo mwakirî îgûrû rîa metha ya kîgongoona.

Alawi 1:8 ပူးပေါင်းရင်းမြစ်များ

1Atha 18:23

Twindîreni ndegwa igîrî; arathi a Baali nîmathuure îmwe, mamîûrage, mamîtinangie tûcunjî, macoke mamigîrîre îgûrû rîa ngû; nwatî matigakie mwaki. Nanie nîngwoca ndegwa îo îngî, nîmîvarîrie na nîmigîrîre îgûrû rîa ngû na tîmbakia mwaki.

1Atha 18:33

Nîwacokire akîvanga ngû waro îgûrû rîa metha ya kîgongoona, agîtinangia ndegwa icunjî, akîmigîrîra îgûrû rîa ngû na akîra andû atîrî, “Îcûriani manjî nyûngûrî inya na mûmetûrûre îgûrû rîa matega ma kûvîvua na îgûrû rîa ngû.” Nao nîmeekire guo.

Ezek 40:43

Kwarî na karûvaû ka wariî wa cendimita inyanya (8) gekîrîtwe kathiûrûrûkîrîtie metha icio kûrîa nyama cia magongoona ciaigagwa.

Alawi 1:12

Mûndû ûcio nîagaacoka atinangie nyamû îo icunjî, nake mûthînjîri-Ngai avange icunjî icio vamwe na kîongo na mathunya mwakirî îgûrû rîa metha ya kîgongoona.

Alawi 3:3

Mûndû ûcio nîakaarutîra Ngai-Mûnene îtega rîa kûvîvua rîa mathunya monthe marîa marî mararî na,

Alawi 3:4

mbigo cioîrî vamwe na mathunya marîa mairigicîrîtie, na gacunjî karîa karo mûno ga îtema.