Alawi 1:2 - ÎVUKU RÎA ÛVORO MWARO

² “Aria na andû a Isiraeli ûmere atî; “Rîrîa mûndû wa wonthe akûrutîra Ngai-Mûnene matega, akaarutaga ng'ombe, ng'ondu, kana mbûri kuuma ndîthiarî yake.

Alawi 1:2 ပူးပေါင်းရင်းမြစ်များ

Kîam 4:3

Mûthenya ûmwe Kaini nîwavirîre Ngai-Mûnene gîcunjî Kîam maketha kuuma mûgûndarî wake.

Kîam 4:5

nwatî nîwaregire Kaini wa vamwe na matega make. Kwoguo Kaini nîwarakarire mûno na agîtukia ûthiû.

1Maû 16:29

Kumiani rîîtwa rîa Ngai-Mûnene rîrîa rîrî riiri, reteni matega na mûke mbere yake. Goocani Ngai-Mûnene arî varîa vatheru.

Ezira 3:5

Na vuva wa gûkûngûîra kîrugo gîa tûnyomba twa magema, nîmeethagîrwa marî na matega mengî ma kûvîvua. Matega mau maarî ma vîndî ya karûngamo ka mweri na irugo cionthe irîa ciagoocagwa Ngai-Mûnene. Na nîkwethagîrwa kûrî na matega mengî marîa andû maategagîra Ngai-Mûnene na njîra ya kwîyendera.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Ndari 15:3

nî mûkaandutîra matega ma kûvîvua ma ndegwa, ndûrûme, ng'ondu kana mbûri, marî matega ma kûngenia. Nwa mûrute matega na njîra ya kwîyendera kana nîûndû wa kûvingia mwîvîtwa kana nîûndû wa mambura marîa mûrutaga ma kîndini. Mûtararûko wa îgongoona rîîrî nî ûngenagia.

Ndari 5:15

mûrûme nîakaamûvira kûrî mûthînjîri-Ngai akuuîte kilo îmwe ya mûtu wa cairi. Ndagîrîrwe nî gwîkîra maguta kana ûbani mûturî ûcio nîûndû nî îtega rîrutîtwe nî mûndûmûrûme agîîkûûa mûka nîguo ûma ûmenyekane.

Ndari 7:15

ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua,

Maariko 7:11

Nwatî mue mûthomithanagia atî mûndû nwa ere îthe kana ng'ina atîrî, ‘Kîndû kîrîa kîonthe nîrî nakîo, na mûngîeguna nakîo nî Koribani’ (Koribani nî ta kuga nîgîtegere Ngai).

Aroma 12:1

Kwoguo ariû na aarî a îthe wetû, nîûndû wa ntha nyîngî irîa Ngai atwonetie, namûthaitha mûrute mîîrî yenyu îrî ta îgongoona rîrî mwoyo kûrî Ngai, rîrî rîamûre nîûndû wa ûtungata wake na rîa kûmûkenia. Îno nîyo njîra yama ya kûgooca Ngai.

Aroma 12:6

Tuonthe nîtûtûmîre iveo mwanya mwanya irîa Ngai atûvete ciumanîte na wega wake. Mûndû ûrîa ûrî na kîveo gîa kûvunjia ndûmîrîri ya Ngai nî avunjie kûringana na wîtîkio ûrîa avetwe.

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.