Akol 4:12 - ÎVUKU RÎA ÛVORO MWARO

¹² Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

Akol 4:12 ပူးပေါင်းရင်းမြစ်များ

Mathaayo 5:48

Kwoguo, nwa nginya mwîthagîrwe mûrî akinyanîru wata ûrîa Îthe wenyu wa Îgûrû ethagîrwa arî mûkinyanîru!

Luka 1:1

Kûrî mûgathe Theofilo: Andû eengî nîmarîkîtie kwandîka ûvoro wîgiî maûndû marîa mekîkîte gatagatîrî getû.

Luka 22:44

Jesû arî na ûrûrû mwîngî ngororî yake, nîwavoire na kîo kîîngî mûno. Nayo nthithina yake nîyagwîcaga nthî îkariî ta matata manene ma nthakame.]

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Aroma 15:14

Ariû na aarî a îthe wetû, nie mwene nîmbicî na ma atî nîmwîcûrîtue nî wega na ûmenyo na atî nîmûvotete kûthomithania mue ene.

Aroma 15:30

Ariû na aarî a îthe wetû, nîûndû wa Mwathani wetû Jesû Kristû na nîûndû wa wendo ûrîa tûvetwe nî Roho Mûtheru, nîramûthaitha mûnyitanîre nanie kûvoya Ngai na kîîo nîûndû wakwa.

1Akor 14:20

Ariû na aarî a îthe wetû, tigani gwîciiragia ta ciana. Maûndûrî marîa macûku tuîkani ta twana twa tûkenge, nwatî meciriarî menyu tuîkani ta andû agima.

1Akor 2:6

Kûnarî ûguo kûrî arîa marî na ûgima wa kîîroho, mbaragia maûndû ma ûûgî. Nwatî tî ûûgî ûrîa umîte gûkû nthî kana kûrî anene a gûkû nthî arîa marathira.

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

Agal 1:10

Ndiugaga maûndû mama nîguo ngenie andû nwatî mendaga gûkenia Ngai. Na ethîrwa mendaga gûkenia andû, ndiagîrîrwe nî kwîthîrwa nîrî ndungata ya Kristû.

Agal 4:19

Ciana ciakwa mendete, wa rîngî nîregua nîrî na ûrûrû mwîngî mûno nîûndû wenyu wata ûrûrû ûrîa mûndûmûka egucaga akîgîa na mwana. Nîmbîgua ûrûrû ûcio nginya rîrîa mûgaatuîka arûmîrîri a ma a Kristû.

Akol 1:22

Nwatî rîu na njîra ya kûûragwa kîîmwîrî kwa Mûriû wake, Ngai nîarîkîtie kûmûtua arata ake nîguo amûrete mbere yake mûrî atheru na athingu na mûtarî na ûcuke.

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.

Akol 1:29

Na nîguo maûndû mama monthe mekîke, nîndutaga wîra mûmû na ngathînîka ngîvûthagîra ûvoti mûnene ûrîa Kristû avecanaga na wonekanaga na njîra ya maûndû marîa mbîkaga.

Akol 1:7

Mwathomire ûvoro wîgiî wega wa Ngai kuuma kûrî Epafara, ndungata îrîa twendete na tûrutithanagia wîra nayo. Ke ethagîrwa arî mwîvokeku rîrîa araruta wîra wa Kristû vandûrî vetû.

Akol 1:9

Kîu nîkîo gîtûmaga tûmûvoere vîndî cionthe kuuma rîrîa twambîrîrie kwîgua ûvoro ûmwîgiî. Tûragia Ngai amûvotithagie kûmenya wendi wake na kûgîa na ûûgî mwîngî na ûtaûku ûrîa Roho wake avecanaga.

Akol 4:9

Nîmaûka marî na mûrû wa îthe wetû Onesimo, ûrîa twendete na twîvokete na umîte kûu kwenyu. Nîmakûmwîra maûndû monthe marîa marekîka gûkû.

1Ath 5:23

Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.

File 1:23

Epafara ûrîa twovetwe njera nake nîûndû wa kûvunjia ûvoro mwaro wîgiî Jesû Kristû nîwamûkethia.

Ahib 5:14

Nwatî irio ino nyûmû nî cia andû agima, arîa marutîtwe na njîra ya ciîko gûkûûrana maûndû maro na maûndû macûku.

Ahib 5:7

Rîrîa Jesû aatûûraga gûkû nthî, nîwavoyaga na akathaitha Ngai na mûgambo mûnene akîrîraga. Aavoyaga Ngai nîûndû nîke ûngîavotire kûmûvonokia kuuma kûrî gîkuû. Ngai nîwamûthikîrîrie nîûndû wa kwînyivia na kwîrutîra gwake.

Jakuvu 1:1

Nie Jakuvu ndungata ya Ngai na ya Mwathani Jesû Kristû: Nînamûkethia mue muonthe andû a Ngai arîa mûnyagarûkîte nthî yonthe.

Jakuvu 1:4

Tigani kûmîrîria kwenyu kûmûtongoragie maûndûrî monthe mûtakûgwa, nîguo mwîthagîrwe mûrî akinyanîru na mûrî agima na mûtarî na kîndû mûturîte.

Jakuvu 5:16

Kwoguo umbûranagîrani mevia menyu na mûvoyanagîre nîguo mue mûvonue. Mavoya ma mûndû mûthingu nîmethagîrwa na ûvoti mûnene.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,