Akol 3:5 - ÎVUKU RÎA ÛVORO MWARO

⁵ Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

Akol 3:5 ပူးပေါင်းရင်းမြစ်များ

Ntha 37:22

Tûmîrûri, mvûa, na vandû va kwigîrîrwa taa cianyitanîte vamwe irûthîtwe na thaavu ntheri ya gûturwa.

Mathaayo 15:19

Nîûndû ngororî nîkuo kuumaga meciria macûku, ma ûragani, ûmaraa, ûtharia, wîi, ûthaani na kûruma arîa engî.

Aroma 1:26

Nîûndû wa ûguo Ngai nîmûrekereriu arûme mekaga ciîko cia ûûra nthoni irîa mendaga gwîka. Wana aka nîmagarûrîte maûndû ma kîndûîre ma kûmenyana kîîmwîrî.

Aroma 1:29

Nîmecûrirwe nî waganu wa mîthemba yonthe, maûndû macûku, ûkoroku na ûthû. Mecûrîtwe nî wîru, ûragani, mbaara, maveeni na gwîcirîria andû arîa engî naaî.

Aroma 6:13

Mûtikanareke ciîga cienyu cia mwîrî ciîvie na ituîke indo cia gwîkaga naaî. Nwatî îîvecaneni kûrî Ngai ta andû mariûkîtue na mwîvecane kûrî ke nîguo mûtuîke ciîga cia gwîkaga maûndû ma ûthingu.

Aroma 6:6

Nîtwîcî atî ûmûndû wetû wa tene nîwambirwe mûtharavarî vamwe na Kristû nîguo vinya wa mwîrî ûrîa wîvagia ûthirue na tûtigacoke gûtuîka ngombo cia mevia.

Aroma 7:23

Nwatî mwîrîrî wakwa nîmonaga watho wîngî ûkîruta wîra. Watho ûcio nî ûrûaga na maûndû marîa meciria makwa monaga marî maro na ngatuîka ngombo ya watho wa mevia marîa matûûraga ndaarî yakwa.

Aroma 7:5

Vîndî îrîa twatûûraga tûrûmagîrîra maûndû ma mwîrî, watho wekagîra vinya merirîria marîa macûku ma mwîrî. Kwoguo maûndû marîa twekaga maatûretagîra gîkuû.

Aroma 8:13

Nîûndû mwatûûra mwathagwa nî maûndû ma mwîrî nîmûgaakua. Nwatî ethîrwa na njîra ya Roho nîmûkûûraga ciîko cienyu njûku irîa mwîkaga, nîmûgûtûûra mwoyo.

1Akor 5:1

Rîu kûrî na ûma atî kûrî na wîvia wa kûmenyana kîîmwîrî ûrerîkana gatagatîrî kenyu. Wîvia ûcio nî wa mûthemba mûcûku mûno wana nginya makîria ya wîvia ûrîa wîkagwa gatagatîrî ka andû arîa mataicî Ngai. Nîmbîrîtwe atî mûndû mûrûme nîaramenyana kîîmwîrî na mûka wa îthe.

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

1Akor 6:13

Mûndû wîngî avota kuga atîrî, “Irio irî vo nîûndû wa îvu, na îvu rîrî vo nîûndû wa irio.” Ûguo nîguo kûrî, nwatî wa cioîrî Ngai nîakaaithiria. Mwîrî ndûrî vo nîûndû wa kûvûra ûmaraa, nwatî ûrî vo nîûndû wa gûtungatîra Mwathani. Na Mwathani nîke ûtûmaga mwîrî wîthîrwe ûrî vo.

1Akor 6:18

Ûrîrani wîvia wa kûmenyana kîîmwîrî. Wîvia wîngî wonthe ûrîa wîkagwa nî andû wîthagîrwa ûrî nja ya mwîrî, nwatî mûndû ûrîa wîvagia na njîra ya kûmenyana kîîmwîrî nîevagîria mwîrî wake ke mwene.

2Akor 12:21

Nînîramaka atî rîrîa ngaaûka rîngî Ngai wakwa nîagaatûma njonoke nîrî mbere yenyu. Nanie nîngeguîra andû engî kîeva arîa meevirie na matirî merira maûndû macûku marîa meekire ta ûmaraa na merirîria macûku ma mwîrî.

Agal 5:24

Nao arîa metanîtue na Kristû Jesû nîmaûragîte ûmûndû wao wa vamwe na ngumba na merirîria maguo macûku.

Aefeso 4:19

Matiîgucaga nthoni wana vanini na nîmekaga maûndû marîa macûku. Nîmamenyerete gwîka mawaganu ma mîthemba yonthe.

Akol 2:11

Nîûndû wa kwîthîrwa mûrî ndaarî ya Kristû, nîmwarwithirue. Mûtiarwithua na njara cia andû, nwatî nî îrua rîrîa rîathondekirwe nî Kristû rîrîa rîatûtethûrire kuuma kûrî maavinya ma mîîrî yetû îrîa îvagia.

1Ath 4:3

Ngai endaga mwîthagîrwe mûrî atheru na mûtagwîka ûmaramari.

1Ath 4:5

na ndagîrîrwe nî kwîthîrwa na merirîria macûku ta andû arîa matecî Ngai.

1Tim 6:10

Nîûndû wendi wa mbeca nîkîo kiumo Kîam maûndû marîa macûku monthe. Andû amwe matiganîrîtie wîtîkio wao nîûndû wa kwenda mbeca mûno na makagîa na ûrûrû na kîeva kîîngî ngororî ciao.

Ahib 12:16

Mûndû wana ûrîkû ndakanatuîke mûmaraa kana mûndû ûtarî na Ûngai ta Esaû. Esaû nîwendirie ûrikithathi wake irio cia îrîa rîmwe.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”

Jakuvu 4:1

Mbaara na gûtetania ciumaga kû gatagatîrî kenyu? Ciumanaga na kwîgua ngumba ya maûndû marîa meriragîrua nî mîîrî yenyu, na marûaga vîndî cionthe ndaarî yenyu.

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.